“Özbəkistan yığması ilə oyunda futzalçılarımızın yorğun olması özünü büruzə verdi”. Apasport.az saytının məlumatına görə, bu sözləri futzal üzrə Azərbaycan milli komandasının məşqçisi İlqar Aslanov deyib.

O bildirib ki, yığmamızın Braziliyadan olan baş məşqçi və oyunçularının yoxluğunda yollandığı Özbəkistan səfərində ilk məğlubiyyətini alması səbəbsiz deyil. Aslanovun sözlərinə görə, dünən 3:3 etdiyimiz yığma ilə bugünkü görüşdə (2:4) uduzmamaq da olardı: “Yorğunluqdan başqa itkilər də özünü göstərdi. İki futzalçımız - Hikmət Bağırovla Rüfət Balakişiyev zədəli idilər. Rəqiblə müqayisədə oyunun tempinə uyğun çıxış edə bilmədik. Qol imkanlarından istifadə etsəydik, nəticə başqa cür ola bilərdi”.

Mənbə: affa.az

• “Fənərbaxça”dan “Qalatasaray”a sərt ittihamlar – Derbidə qalmaqal
• Mbappenin zarafatı baha başa gəldi – Sponsorlarını itirdi, La Liqa yayımları dayandırıldı
• “Fənərbaxça”nın dördüncü forması bəlli oldu – FOTO
• “Qalatasaray”da derbi qələbəsinə görə 2,5 milyon avroluq mükafat
• Okan Buruk: “Fənər”ə qarşı planlarımız həmişə işə yarayıb”