Türkiyə Futbol Federasiyasının İdarə Heyətinin növbəti yığıncağında Bank Asiya I liqasında çıxış edəcək əcnəbi futbolçuların sayına aydınlıq gəlib. Apasport.az saytının məlumatına görə, yığıncaqda 1987-ci il və daha sonra anadan olmuş 3 legionerin I liqada oynaması barədə qərar qəbul edilib. Bu qərar 2013-cü il may ayının 31-nə kimi qüvvədə olacaq.

Türkiyə Futbol Federasiyasının İdarə Heyətinin üzvləri həmçinin bu liqada çıxış etmək hüququna malik türkdilli ölkələrin futbolçuları ilə bağlı qərara bir daha nəzər salıb və əvvəlki qaydanı qüvvədə saxlayıb. Belə ki, ötən il olduğu kimi, növbəti 3 ildə də I liqada Azərbaycan, Qazaxıstan, Özbəkistan, Türkmənistan və Qırğızıstanın 2 oyunçusu əcnəbi sayılmadan forma geyinə biləcəklər.

Qeyd edək ki, mövsümün sonunda Bank Asiyada çıxış edən klub II liqaya düşərsə, heyətindəki legioner burada çıxış hüququndan məhrum olacaq.

• "Qalatasaray"dan Yann Zommer bombası
• Argentina millisinin üzvü "Marsel"də
• Tarixdə bu gün: 1998 Dünya Kubokunda dramatik qələbə - VİDEO
• İtaliya A Seriyasına yüksələn klubda yeni baş məşqçi
• Onauçu Trabzona gəlir - VİDEO