Son Azərbaycan çempionu olan Bakı “İnter”inin gürcü qapıçısı Georgi Lomaya klubunun rəsmi saytına müsahibə verib. Apasport.az saytının məlumatına görə, milli komandasının da üzvü olan təcrübəli futbolçu futboldan kənar sualları cavablandırıb.

- Hansı geyim markalarına üstünlük verirsən?
- Çox vaxt idman üslubundan istifadə edirəm. Geyimin hansı markadan olması önəmli deyil. Əsas odur ki, rahat olsun və insana yaraşsın.

- Hansı mətbəxə üstünlük verirsən və xoşladığınız yemək nədir?
- Gürcü mətbəxinə üstünlük verirəm. Yəqin ki, uşaqlıqdan öyrəşmişəm. Yeməklərdən sortivi, kupati, xinqali, xaçapuri, pörtlədilmiş çoşqadan da xoşum gəlir. Amma onu sizlər yemirsiniz.

- Boş vaxtını necə keçirirsən?
- Əsasən dostlarımla oluram. Amma hazırda boş vaxtım az olduğu üçün vaxtımı ailəmə həsr edirəm.

- Harada dincəlməyi sevirsən?
- Özümünkülərlə hər yerdə yaxşıdır.

- Hansı avtomobil markalarından xoşun gəlir?
- “Mersedes” markasından. Düzdür, “Ferrari” və “Lamborcini” kimi yaxşı maşınlar var. Amma belə baxanda “Mersedes” hamısından yaxşıdır.

- Hansı kitabları oxuyursan və filmlərə baxırsan?
- Kitab oxumağa vaxtım olmur. Tarixi kinofilmlərdən xoşum gəlir. Mənim ən çox sevdiyim “Bir dəfə Amerikada”, ”Cəsur ürək” və “Xaç atası” kinofilmləridir.

- Qız üstündə nə vaxtsa dalaşmısan?
- Uşaqlıqda olub.

- Uşağın peşəkar idmançı olsa, buna etiraz etməzsən?
- Yox, etiraz etmərəm. Amma mən istəməzdim ki, o, qapıçı olsun. Yaxşısı budur, hücumçu olsun.

- Özünü harada rahat hiss edirsən?
- Evdə, ailəmin yanında.

• İrfan Can “Fənər” azarkeşlərindən üzr istəyib
• Mourinyo “Benfika”da - RƏSMİ
• TFF-dən “Fənərbaxça”ya: ”Federasiyamız “hesab vermə kürsüsü” deyil”
• Ali Koç TFF-nin inzibati binasına yollanır
• Günün canlı yayımlanacaq matçları - TV AFİŞA