Azərbaycan milli komandasının üzvləri Almaniya yığmasının oyununu izləyəcək. Apasport.az saytının məlumatına görə, mayın 23-dən iyunun 2-dək Avstriyada keçirilən təlim-məşq toplanışını başa vuran Berti Foqtsun yetirmələri Frankfurt səfərindən maksimum yararlanacaq.

Növbəti dəfə tibbi müayinədən keçmək üçün Almaniyaya gedən komandamız “Kommersbank Arena” stadionunda baş tutacaq Almaniya - Bosniya və Herseqovina yoldaşlıq oyununu arenanın tribunalarından izləyəcək. Bu gün keçiriləcək görüş Bakı vaxtı ilə saat 23:30-da başlayacaq.

Qeyd edək ki, Almaniya yığması Avro-2012-nin seçmə mərhələsində millimizlə birgə A qrupunda mübarizə aparacaq.

Mənbə: affa.az

• Foden "Mançester Siti"nin heyətində 100-cü qolunu vurub
• “Bavariya” Leroy Sane ilə vidalaşdı
• Belçika millisinin üzvü “Atletiko”nu tərk etdi - RƏSMİ
• Premyer Liqa klubunda növbəti ayrılıq - RƏSMİ
• Reşford “Yunayted”ə qayıtdı - RƏSMİ