Bu gün qadın futbolçular arasında dünya çempionatının seçmə mərhələsində növbəti oyunlar keçirilib. Apasport.az saytının məlumatına görə, Avropa zonasının VIII seçmə qrupunda mübarizə aparan Azərbaycan yığması ilk səfər matçına çıxıb. Ardıcıl 4 qarşılaşmasını Bakıda keçirən Şamil Heydərovun yetirmələri Belçika futbolçularının qonağı olub.

Birinci hissə komandamız üçün biabırçı hesabla nəticələnib. Belə ki, meydan sahibləri yığmamızın qapısından 8 cavabsız top keçirib. Bu qollardan biri millimizin heyətində Könül Əsədovanın ayağına yazılıb. İkinci hissədə daha 3 qol vuran belçikalılar komandamızı darmadağın edib.

Belçika – Azərbaycan - 11:0
Baş hakim: Una Honq (Cənubi Koreya)
Tubitse. “Leburton” stadionu
QOLLAR: De Kok, 3; 11; 40; 42; Piltjens,10; Heyremans, 18; 54; Əsədova, 26 (avtoqol); Onzia, 35; 90+1; Puttemans, 89

Qrupumuzda daha bir matç başa tutub ki, bütün qarşılaşmalarda qələbələri sıralayan İsveç yığması bu dəfə öz meydanında ən yaxın izləyicisi Çexiyanın məğlub edə bilməyib - 0:0.

1 İsveç 5 4 1 0 13-2 13
2 Çexiya 6 3 1 2 11-5 10
3 Belçika 8 3 1 4 18-13 10
4 Uels 6 2 0 4 7-11 6
5 AZƏRBAYCAN 5 1 1 3 2-20 4

Qeyd edək ki, milli komandamız iyunun 23-də İsveçdə meydan sahibləri ilə görüşəcək.

• Xabi Alonso “Real”ın tarixinə düşüb
• “Fənərbaxça” - “Trabzonspor” matçı bu kanalda
• “Beşiktaş”ın futbolçusu Yunanıstan klubunda - RƏSMİ
• “Fənərbaxça” – “Trabzonspor” oyununun saatı dəyişdirilib: MİLLİ MATÇA GÖRƏ
• Mərakeş millisinin üzvü “Başakşəhər”də - RƏSMİ