Yeni mövsümün hazırlığını Bakıda həyata keçirən “Olimpik-Şüvəlan” ilk yoxlama oyununu keçirib. Apasport.az saytının xəbərinə görə, paytaxt təmsilçisi 19 yaşadək futbolçulardan ibarət yığma komanda ilə qarşılaşıb.

2:0 hesabı ilə qələbə qazanan “təyyarəçilər”in qollarına birinci hissədə Tərlan Xəlilov, fasilədən sonra Yasin Abbasov imza atıb. Oyun barədə fikirlərini açıqlayan baş məşqçi Nazim Süleymanov yetirmələrindən razı qalmayıb: “Əsasən əvəzedici komandanın üzvlərinə və baxışa dəvət etdiyimiz yerli oyunçulara şans vermişdik. Anlaşma çox zəif idi. Bu da səbəbsiz deyildi. Çünki cəmi 3 gündür topla çalışmalara başlamışıq. Baxışda olan legionerlərə bu gün “Qarabağ”la keçirəcəyimiz oyunda şans verəcəyik”.

Qeyd edək ki, “Olimpik-Şüvəlan” Ağdam təmsilçisi ilə bu gün Tofiq Bəhramov adına Respublika stadionunda qarşılaşacaq. Oyun saat 20.00-da başlayacaq.

• Sabiq "Qalatasaray"lının yeni klubu bəlli olub
• "Qalatasaray" qabonlu yarımmüdafiəçini komandada saxlayacaq
• Çempionlar Liqasının oyunları bu kanallarda
• Yunanıstan klubunda ayrılıq yaşanıb
• Bundesliqa klubu baş məşqçisi ilə yollarını ayırıb