“Bakının “İnter” klubunun Bolqarıstandakı təlim-məşq toplanışında yoxlama görüşləri keçirməsi, bizim üçün göydəndüşmə oldu. Bu, onların oyunlarının canlı şahidi olmaq imkanı verir”. Apasport.az saytının məlumatına görə, bu sözləri Polşanın “Lex” klubunun baş məşqçisi Yatsek Zelinski deyib.

Çempionlar Liqasının II təsnifat mərhələsində Bakının “İnter” klubu ilə qarşılaşacaq Poznan təmsilçisinin çalışdırıcısı Azərbaycan çempionunu artıq tanıdığını bildirib: “Mən artıq “İnter”in bir oyununu izləmişəm. Heç kim deyə bilməz ki, onlar zəif komandadır. Onlara qarşı yaxşı oynamaq üçün həmin matçlara layiqincə hazırlaşmalıyıq”.

Qeyd edək ki, “İnter” - “Lex” oyunları iyulun 13-21-də keçiriləcək.

• Mourinyo Çempionlar Liqasında tarixə düşdü
• Bruno Kerrikin taktikasını tənqid etdi, Karragerdən sərt cavab gəldi: “Biabırçılıqdır!”
• TFF Sergen Yalçının köməkçisinə veto qoydu – SƏBƏB
• Skaloni Argentina millisi ilə bağlı qərarını verdi – 2030-cu ilə qədər
• Batrakov İkardi və Jardelin rekordunu təkrarladı