Çimərlik futbolu üzrə Azərbaycan yığma komandası dünya çempionatının seçmə mərhələsi çərçivəsində ikinci oyununu keçirib. Apasport.az saytının məlumatına görə, F qrupunda yer alan Emil Cabbarovun yetirmələri bu gün Fransa millisini sınağa çəkiblər. Rəqibin üstünlüyü şəraitində keçən matçda həmyerlilərimiz 10:8 hesabı ilə uduzublar. Millimizin heyətində hərəyə bir dəfə Elşad Quliyev və Asif Zeynalov fərqlənib. Zeynal Zeynalov dubl, Müslüm Hüseynov isə pokerə imza atıb.

İlk oyunda Çexiya yığmasına 5:4 hesabı ilə qalib gələn futbolçularımız sabah Qazaxıstanla üz-üzə gələcək. Oyun Bakı vaxtı ilə saat 12:00-da başlayacaq.

Qeyd edək ki, İtaliyanın Bibiano şəhərində 7 qrupda keçirilən seçmə mərhələdə ilk iki pilləni tutacaq yığmalar, həmçinin, üçüncü yerin sahibləri arasında ən yaxşı iki komanda 1/8 finala vəsiqə qazanacaq.

• Mateuş Silva Çempionlar Liqasının rəmzi heyətində
• Günün canlı yayımlanacaq matçları - TV AFİŞA
• İrfan Can “Fənər” azarkeşlərindən üzr istəyib
• Mourinyo “Benfika”da - RƏSMİ
• TFF-dən “Fənərbaxça”ya: ”Federasiyamız “hesab vermə kürsüsü” deyil”