Hollandiyanın Den Haaq şəhərində təşkil olunmuş “Crocs Challenge Cup” turnirində çıxış edən çimərlik futbolu üzrə Azərbaycan milli komandasının ikinci oyundakı rəqibi müəyyənləşib. Apasport.az saytının məlumatına görə, ilk matçında Çexiya yığmasını 6:5 hesabı ilə məğlub edən Emil Cabbarovun yetirmələri bu gün Türkiyə futbolçuları ilə görüşəcəklər.

Belə ki, yarışın əsasnaməsinə uyğun olaraq komandamız Türkiyə - Norveç matçının qalibi ilə üz-üzə gəlməli idi. Həmin oyunda isə qonşularımız çətinliklə də olsa qalib gəliblər. Onlar əsas vaxtı 3:3 hesabı ilə nəticələnən qarşılaşmanın penaltilər seriyasında daha dəqiq olublar.

Qeyd edək ki, iyulun 26-da başa çatacaq yarışda adıçəkilən 4 komanda ilə yanaşı meydan sahibləri, həmçinin Almaniya, İngiltərə və Andorra milli komandaları qüvvələrini sınayırlar

• ÇL-də həftənin oyunçusu adına namizədlər bəlli olub
• Mateuş Silva Çempionlar Liqasının rəmzi heyətində
• Günün canlı yayımlanacaq matçları - TV AFİŞA
• İrfan Can “Fənər” azarkeşlərindən üzr istəyib
• Mourinyo “Benfika”da - RƏSMİ