Avro-2012-nin seçmə mərhələsində Almaniya yığmasının üzvü Patrik Helmes Azərbaycan milli komandası ilə oyunda iştirak edə bilməyəcək. Apasport.az saytının məlumatına görə, “Bayer”in şərəfini qoruyan hücumçu Avroliqanın pley-off mərhələsinin “Tavriya” (Ukrayna) ilə görüşündə zədələnib. Onun zədəsinin sağalacağı ehtimal edilsə də, təkrar həkim nəzarətindən keçən Helmesin təxminən 2-3 həftə yaşıl meydan çıxa bilməyəcəyi dəqiqləşib. Bu səbəbdən hücumçunun Avro-2012-nin seçmə mərhələsində yığmaya da çağırılmayacaq.

Qeyd edək ki, almanlar sentyabrın 3-də Belçika və 4 gün sonra Azərbaycan yığması ilə üz-üzə gələcək.

• “Qarabağ”a uduzdu, istefaya göndərildi
• “Fənərbaxça”da prezident seçkiləri: Kutlualp namizədliyini geri çəkdi
• “Qalatasaray”ın rəqibində ciddi itki
• "Çelsi" iştirak ərizəsində dəyişiklik edib
• "Roma"nın heyətində ciddi itki