17 yaşadək futbolçulardan ibarət Azərbaycan milli komandasının “Palanqa” turnirindəki oyunlarının başlama vaxtı və yeri müəyyənləşib. Apasport.az saytının məlumatına görə, komandamız Litvadakı oyunlarını iki şəhərdə keçirəcək.

Avqustun 24-də Qazaxıstanla qarşılaşacaq Adil Şükürovun yetirmələri Bakı vaxtı ilə saat 16:00-da Kretinqa stadionunda meydana çıxacaq. Ertəsi gün Belarusla keçiriləcək oyun da həmin arenada baş tutacaq. Bu qarşılaşma 2 saat tez başlamalıdır. Qrup mərhələsinin son matçında meydan sahibləri ilə oynayacaq millimiz nəhayət ki, Palanqada meydana çıxacaq. Bu görüşün başlama saatı 20:00-dır.

Qeyd edək ki, final oyunları avqustun 28-nə təyin olunub. Kretinqada baş tutacaq VII və III yer uğrunda oyunlar müvafiq olaraq 13:30 və 17:00-da başlayacaq. Palanqada isə V və I yer uğrunda mübarizə aparan komandalar meydana çıxacaq. Həmin görüşlər isə 16:00 və 19:00-a təyin olunub.

• Braziliya millisinin üzvü "Beşiktaş" yolunda
• "Real"ın futbolçusu La Liqada komandasını dəyişə bilər
• Sabiq "Qalatasaray"lının yeni klubu bəlli olub
• "Qalatasaray" qabonlu yarımmüdafiəçini komandada saxlayacaq
• Çempionlar Liqasının oyunları bu kanallarda