“Xəzər Lənkəran” Bakıya qələbə üçün gəlir

27.08.2010 - 13:30

Sabah Unibank Premyer Liqasında IV tura start veriləcək. Apasport.az saytının məlumatına görə, avqustun 29-da “Xəzər Lənkəran” AZAL-ın qonağı olacaq.

Bu meydan sahiblərinin yeni adı altında lənkəranlılarla ilk oyunudur. Əvvəl “Olimpik” və “Olimpik-Şüvəlan” adları ilə Premyer Liqada çıxış edən “təyyarəçilər”lə çempionatda 10 dəfə üz-üzə gələn “Xəzər Lənkəran” aşkar üstünlüyə malikdir.

Paytaxt təmsilçisini 4 il qələbəyə həsrət qoyan əyalət komandası yalnız ötən il ilk dəfə bakılılara məğlub olub. Bu yeganə uğursuzluğun qarşılığında “Xəzər Lənkəran” 6 dəfə meydandan 3 xalla ayrılıb. Komanda 2 gün sonra baş tutacaq oyun üçün Bakıya 7-ci qələbə dalınca gəlib.

Qeyd edək ki, AZAL və “Xəzər Lənkəran”ın oyunları ilə bağlı maraqlı bir ənənə müşahidə olunur. Artıq 6-cı mövsümdür ki, birinci dövrədəki oyun Bakıda keçirilir. İkinci dövrədə isə AZAL səfərə yollanır. Bu komandalar arasında bu dəfəki kimi avqust ayına təsadüf edən yeganə qarşılaşma isə 5 il əvvəl baş tutub və “Xəzər Lənkəran” iki cavabsız qolla meydan sahiblərini məğlub edib.

AZAL-la çempionatdakı bütün oyunlar

Mövsüm	Tarix	Oyun	Hesab
2005/06	12.08.2005 12.02.2006	“Olimpik” – “Xəzər Lənkəran” “Xəzər Lənkəran” - “Olimpik”	0:2 1:0
2006/07	17.09.2006 27.04.2007	“Olimpik” – “Xəzər Lənkəran” “Xəzər Lənkəran” - “Olimpik”	1:2 3:2
2007/08	25.11.2007 17.05.2008	“Olimpik” – “Xəzər Lənkəran” “Xəzər Lənkəran” - “Olimpik”	0:0 0:0
2008/09	20.09.2008 14.03.2009	“Olimpik” – “Xəzər Lənkəran” “Xəzər Lənkəran” - “Olimpik”	0:1 0:0
2009/10	21.10.2009 10.12.2009	“Olimpik-Şüvəlan” – “Xəzər Lənkəran” “Xəzər Lənkəran” - “Olimpik-Şüvəlan”	1:0 2:1