“Qalatasaray” Avropada “transfer pəncərəsi”nin bağlanmasına bir neçə saat qalmış 2 transfer reallaşdırıb. Apasport.az saytının məlumatına görə, “sarı-qırmızılı” klub öncə “Volfsburq”un bosniyalı ulduzu Zvjezdan Misimoviçin keçidini həll edib. 8 milyon avroya transfer olunan hücumçu Türkiyədə ilinə 3 milyon avro alacaq.

Hücum xəttində problemlərini həll etdikdən sonra İstanbul klubu “Liverpul”un argentinalı sol cinah müdafiəçisi Emiliano İnsua ilə də danışıqları müsbət yekunlaşdırıb. 2 dəfə milli komandasının formasını geyinən futbolçu Türkiyədə icarə əsasında çıxış edəcək. “Qalatasaray” 21 yaşlı İnsua ilə 1 illik razılığa gəlib.

Qeyd edək ki, Misimoviç artıq Türkiyədədir. Argentinalı müdafiəçinin isə sabah düşərgəyə gəlməsi gözlənilir.

• Braziliya millisinin üzvü "Beşiktaş" yolunda
• "Real"ın futbolçusu La Liqada komandasını dəyişə bilər
• Sabiq "Qalatasaray"lının yeni klubu bəlli olub
• "Qalatasaray" qabonlu yarımmüdafiəçini komandada saxlayacaq
• Çempionlar Liqasının oyunları bu kanallarda