Avro-2012-nin seçmə mərhələsinin oyunları ərəfəsində falçı heyvanlar yenidən gündəmə gəlib. Apasport.az saytının məlumatına görə, dünya çempionatının final mərhələsində verdiyi proqnozlarla dünyanı heyrətə gətirən ilbiz Paulun davamçılarından biri Azərbaycan yığmasının da falına baxıb.

Almaniyanın Baden vilayətinin zooparkında yaşayan Rani adlı fil Bundestimin qarşıdakı iki oyunu ilə bağlı falçılıq edib. 55 yaşlı dişi heyvan sentyabrın 3-də Belçika, 4 gün sonra isə Azərbaycan milli komandaları ilə görüşəcək almaniyalılara bəd xəbər çatdırıb.

Raninin proqnozuna görə, dünya çempionatının bürünc mükafatçısı Brüsseldəki matçda büdrəyəcək. Fil hiss edir ki, Belçikada 1 xal qazanacaq Yoahim Lövün yetirmələri yığmamızla görüşdə əziyyət çəkməyəcək. Falçı bu matçda almanlara aşkar qələbə vəd edir.

Qeyd edək ki, almaniyalılar II Bundesliqanın avqustun 29-da keçirilən “Karlsrue” – “Allemaniya” matçının hesabını (3:0) dəqiq tapan Raninin yaxşı formada olduğunu düşünür.

• La Liqada ayın futbolçusu bəlli oldu
• Roland Şallai rəsmən “Qalatasaray”da
• "Beşiktaş" daha bir legioneri ilə yollarını ayırdı
• Premyer Liqanın ən yaxşı oyunçusu seçildi
• Təzyiqlərə dözmədi: "Qalatasaray"da şok istefa