"Yoldaşlıq görüşü zamanı bəzi mövqelərimizi möhkəmləndirməyi və bağlamağı qarşımıza məqsəd qoymuşduq. “Kardemir Demir Çelik Karabükspor”la görüşdə bununla bağlı müəyyən nəticələr əldə etməyə imkan tapdıq”. Apasport.az saytının məlumatına görə, bu sözləri Bakının “İnter” klubunun baş məşqçisi Kaxaber Sxadadze deyib.

Gürcüstanlı mütəxəssis Türkiyədəki təlim-məşq toplanışı çərçivəsində keçirilən ilk yoxlama oyunundan sonra klubun rəsmi internet saytına açıqlama verib. Sxadadze “Kardemir Demir Çelik Karabükspor”a məğlubiyyəti matçın ikinci hissəsində gənclərə şans verməsi ilə izah edib: “Birinci hissədə komanda baxımlı oyun nümayiş etdirib, gözəl qol vurmağı bacardı. Fasilədən sonra gənc futbolçulara şans verdik. Deyərdim ki, onlar pis təsir bağışlamadılar, amma öz üzərində çox çalışmalıdırlar”.

Qeyd edək ki, “İnter” bu qarşılaşmada 1:2 hesabı ilə məğlub olub.

• Günün canlı yayımlanacaq matçları - TV AFİŞA
• Ali Koç: “Ferhat Gündoğdu istefa verməlidir” - VİDEO
• "Qalatasaray"da Osimhen ŞOKU
• Madrid təmsilçisinin yeni transferi sıradan çıxdı
• “Qarabağ” “Barselona”nın uğurunu təkrarladı