FİFA milli komandaların növbəti reytinq cədvəlini açıqlayıb. Apasport.az saytının məlumatına görə, Azərbaycan yığması ötən ayla müqayisədə 3 pillə irəliləyərək, 102-ci pilləyə yüksəlib. Maraqlıdır ki, Berti Foqtsun baş məşqçisi olduğu millimiz bu müddətdə Avro-2012-nin seçmə mərhələsinə səfərdə Almaniya yığmasına 1:6 hesablı ağır məğlubiyyətlə başlasa da, bu, reytinqə mənfi yox, müsbət təsir edib. Hesabında 287 xal olan komandamız UEFA-nın reytinqində 45-ci yerdə gedir.

Almaniya da mövqeyi yaxşılaşdırılaraq, 1 pillə irəliləyib. Bundestim 1490 xalla 3-cü yerdə gedir. Növbəti oyunu keçirəcəyimiz Avstriya yığması (528 xal) 1 pillə geriləyərək, 61-ci yerə düşüb. 7 pillə irəliləyən Türkiyə millisi (882 xal) 21-ci yerdə qərarlaşıb. Qrupumuzda gələn il görüşəcəyimiz rəqiblər – Belçika yığması (526 xal) 14 pillə geriləyərək 62-ci, Qazaxıstan millisi (171 xal) 1 pillə geriləyərək 126-cı yerə düşüb.

Qeyd edək ki, reytinqə əvvəlki kimi tək son dünya çempionu İspaniya yığması (1824 xal) başçılıq edir. Onun finalda yendiyi Hollandiya millisi 1663 xalla 2-ci pillədə yerini qoruyub.

• Mateuş Silva Çempionlar Liqasının rəmzi heyətində
• Günün canlı yayımlanacaq matçları - TV AFİŞA
• İrfan Can “Fənər” azarkeşlərindən üzr istəyib
• Mourinyo “Benfika”da - RƏSMİ
• TFF-dən “Fənərbaxça”ya: ”Federasiyamız “hesab vermə kürsüsü” deyil”