“Son vaxtlar əksər komandaların bir hücumçu ilə oynamasından qorxmaq lazımdır. Çünki bu, pis tendensiyaya səbəb ola bilər”. Apasport.az saytının məlumatına görə, bu sözləri Almaniya milli komandasının sabiq futbolçusu Mixael Rummenigge deyib.

Çempionlar Liqasının yeni mövsümü ilə bağlı fikirlərini açıqlayan Bundestimin sabiq yarımmüdafiəçisi komandaların son vaxtlar müdafiə futboluna üstünlük verməsinə də toxunub. Bir hücumçu ilə oynayan komandalardan narazı qaldığını bildirən Rummenigge nümunə kimi Azərbaycan yığmasının baş məşqçisi Berti Foqtsu göstərib: “Şəxsən mənim aqressiv futbolun tərəfdarı olduğumuz yaxşı bilirsiniz. Ümid edirəm ki, əks mövqedə olanlar fikrindən dönəcək. Axı onlar təkcə qapılarının təhlükəsizliyini düşünməməlidir. Almaniya yığması ilə oyunda Azərbaycan milli komandasını bütünlüklə müdafiəyə çəkən Berti Foqts kimilər tək hücumçulu sistemin tərəfdarıdır. Onların oyunçuları öz qapılarını əhatəyə alıb daha çox müdafiə olunur”.

Qeyd edək ki, yığmada 2 oyun keçirən Mixael əfsanəvi Karl-Hayns Rummeniggenin kiçik qardaşıdır. O, karyerası boyu “Bavariya” (1981-88), Dortmund “Borussiya”sı (1988-93) və Yaponiyanın “Urava red Diamonds” (1993-95) klublarında çıxış edib.

• Akenin durumuna aydınlıq gəldi
• “Qalatasaray” Yılmazı satmaq istəmir
• “Real”dan Lunin qərarı
• Xuan Bernat “Vilyarreal”da - RƏSMİ
• Keyndən daha bir rekord