“İndi pərişan və sıxıntılı günlər keçiririk. Ancaq ən qısa zamanda bunları aşacağıq”. Apasport.az saytının məlumatına görə, bu fikirləri Türkiyənin “Əskişəhərspor” klubunun baş məşqçisi Rza Çalımbay deyib.

Azərbaycan milli komandasının kapitanı Rəşad Sadıqovu “transfer pəncərəsi”nin bağlanması ərəfəsində heyətinə cəlb edən Əskişəhər təmsilçisi mövsümə uğursuz başlayıb. İndiyə kimi hesabında 1 xal olan komanda ardıcıl ikinci səfər oyununa çıxacaq. Bu dəfə sentyabrın 18-də “Sivasspor”un qonağı olacaq “Əskişəhərspor”un həmin görüşdə ilk dəfə Sadıqovun xidmətindən istifadə edəcəyi gözlənilir.

Çalımbay keçirdiyi mətbuat konfransında Rəşadın adını çəkinməsə də, yeni transferlərə vaxt lazım olduğunu, onlara inandığını bildirib: “Yeni futbolçularımız komandaya uyğunlaşanda və fərdi xətalar minimuma endiriləndə çətinliklərimiz sona çatacaq. Bunlar yoluna qoyulandan sonra “Əskişəhərspor”un məğlub etməyəcəyi komanda qalmayacaq. Bəzi oyunlarımızda yaxşı oyun göstərdik. “Əskişəhərspor”un qapısında gördüyü qollar müdafiənin səhvindən qaynaqlandı. “Bursaspor”la görüşdə də inanılmaz xətalardan qol buraxdıq. Bu il də komandama və futbolçularıma güvənirəm. Birlik və bərabərliyi saxladığımızda çox yaxşı yerlərə qalxacağıq. “Sivasspor” və “Qaziantepspor”la oyunlar bizim üçün çox önəmlidir. Biz edə biləcəyimiz bütün xətaları etdik. Yaxşı bir komandayıq, ancaq bəzi yoldaşlarımız enerjisini meydana yönətlməlidir”.

• "Qalatasaray" rəsmisi: "Həyatımda Ali Koç kimi prezident görməmişəm"
• “Napoli” Xviçaya əvəzedici tapıb
• “Fənər”dən Tuta həmləsi
• “Qalatasaray”dan rekord gəlir
• Ronaldo "Əl-Nəsr"lə şərik olacaq