“Bizdə bar, diskoteka deyiləndə pozğunluq məkanı nəzərdə tutulur“
18.09.2010 - 23:01
Azərbaycan milli komandasının və Bakının “Neftçi” klubunun futbolçusu Cavid Hüseynovun apasport.az saytına müsahibəsi
- Hazırda komandadakı işlərinizdən nə dərəcədə razısınız?
- Şükürlər olsun ki, hər şey qaydasındadır. Komandamız turnir cədvəlinə başçılıq edir. “Xəzər Lənkəran”la eyni sayda xal toplasaq da, top fərqinə görə biz üst sırada qərarlaşmışıq.
- Deyəsən, “İnter”lə oyundan sonra komandanı çox təriflədilər. Çünki “Muğan”a qarşı çox zəif çıxış etdiniz...
- “İnter”ə qədər keçirdiyimiz oyunlarda da yaxşı çıxış etdik. Ola bilsin, “Muğan”la matça bir qədər arxayın çıxmışdıq. Bunun bizə mane olacağını düşünmürəm. Çünki komandanın öz oyun dəst-xətti var. Həm də “Neftçi”yə qarşı bütün komandalar var gücləri ilə oynayırlar.
- KİV-in “Neftçi”ni vaxtından əvvəl çempion elan etməsi futbolçulara necə təsir edib?
- Yox, çempionluq haqqında danışmaq olduqca tezdir. Hələ heç birinci dövrə başa çatmayıb. Sevindirici haldır ki, komanda yaxşı vəziyyətdədir. Mətbuatda yazılanlara gəldikdə, biz peşəkarıq. İşimizi görürük.
- Boş vaxtlarınızda nə ilə məşğul olursunuz?
- Məşq və oyunlarla əlaqədar boş vaxtlar az olur. İmkan tapan kimi, dost-tanışla görüşürəm, oturub dərdləşirik. Yorğunluq çox olduğuna görə, dincəlməyə üstünlük verirəm.
- Gəncsiniz, yəqin dinamik həyatı daha çox xoşlayırsınız?
- Hər gün eyni hadisələri yaşamaq olmur. Bu insanı yorur. Çalışıram ki, yeniliklər edim.
- Gənclər daha çox dincəlmək üçün istirahət mərkəzlərinə üz tuturlar. Siz necə, bu cür yerlərə gedirsinizmi?
- Xeyr, bu cür yerlərə getməyi xoşlamıram. Bar, diskotekanın nə olduğunu bilmirəm. Bu cür yerlərə bundan sonra da ehtiyac duymaram.
- Niyə isə bizdə bar, diskoteka adı gələndə bir qədər qəribə səslənir...
- Bəli, bizdə bar, diskoteka deyiləndə, pozğunluq olan məkan nəzərdə tutulur. Ona görə də belə yerlərə getməyi özümə sığışdırmıram. Çalışıram dostlarımla bir məkanda vaxt keçirək.
- Subaysınız, qız tanışlarınız çoxdurmu?
- Sözün düzü, əlaqəm yoxdur.
- Heç sizə yaxınlaşan qızlar olubmu?
- Olmayıb.
- Sevmisinizmi?
- Belə şeylərdən kənaram. Sevginin nə olduğunu bilmirəm. Bilmirəm deməklə, bunun nəsə qəribə bir şey olduğunu da söyləmək istəmirəm. Sadəcə, qarşıma belə bir insan çıxmayıb. İnşallah, xeyirlisi nədirsə, o da olacaq.
- İnternetdə necə, çox vaxt keçirirsiniz?
- “Odnoklassiki”də çox “otururuq”. Bu da daha çox xaricə gedəndə olur. Oteldə qalan zaman vaxt keçmədiyinə görə tanışlıq saytlarından istifadə edirik.
- Yəqin kimlərlə isə tanış olursunuz...
- Əlbəttə, söhbətlər gedib. Amma görüşmək olmayıb.
- Əsasən hansı mövzuda söhbət edirsiniz?
- Daha çox Azərbaycan futbolu haqqında danışırıq. Futbolumuzun niyə belə olduğunu və nə vaxt düzələcəyini xəbər alırlar.
- Sonuncu dəfə U-21 yığması ilə Belarusa səfər edibsiniz. Eşitdiyimə görə, yerli qızlar futbolçularımıza daha çox maraq göstəriblər...
- Elvin Məmmədovla bir otaqda qalırdıq. Başqa futbolçuları deyə bilmərəm, Elvinlə mən oteldən kənara çıxmadıq. Komanda yoldaşlarım çıxıbsa, buna pis baxmaq lazım deyil. Şəhəri gəzmək də lazımdır.
- Harasa gedəndə, qaldığınız şəhəri gəzməyi xoşlamırsınız?
- Xoşlayıram. Amma oyuna konsentrasiya olmaq üçün matç qurtarana qədər heç yerə getmədik. Oyundan sonra da gec oldu. Bir az da yorğun idik. Çox qaçdıq, nəticə qazanmaq istəyirdik. Buna görə də , oteldən kənara çıxmadıq.
- Artıq 22 yaşınız var. Ailə həyatı qurmaq haqqında düşünmürsünüz?
- Düşünürəm. Qarşıdakı 2-3 il ərzində ailə həyatı quracağam.
- Namizəd varmı?
- Hələ yox.
- Sizin üçün ailə həyatı quracağınız xanım hansı standartlara cavab verməlidir?
- Xarici görünüşə də diqqət yetirəcəyəm. Əsas savadlı, təhsilli olmasıdır.
- Hədiyyə almaqla aranız necədir?
- Ən çox anamla bacıma hədiyyə almışam. Hədiyyə alanda çox çətinlik çəkirəm. Gülün yanında nə isə almaq haqqında çox fikirləşirəm.
- Bəs özünüz üçün xüsusi çəkisi olan hər hansı hədiyyə qəbul etmisinizmi?
- Yaxınlarda dostlarım üzərində dini sözlər yazılmış plakat bağışladılar. Bu hədiyyənin mənim üçün xüsusi önəmi var.
- Kitab oxuyursunuz?
- Səbrim çatmır. Bir-iki dəfə kitab oxumağa cəhd etmişəm, amma sona qədər oturub oxuya bilmirəm. Televizora da çox baxmıram.
- Pelenin belə bir ifadəsi var: futbol beyinlə düşünülür, ayaqla oynanılır. Necə düşünürsünüz, futbolçularımızın zəif oynamasında bu amilin də rolu varmı?
- Düzdür, bunun da rolu var. Meydana gərək problemsiz çıxasan. Çöldəki problemin haqqında düşünsən, meydanda oyunun alınmayacaq. Ancaq bizdə problemsiz yaşamaq mümkün deyil.
- Arzunuz nədir?
- Çalışmışam ki, əməlimlə anamın, bacımın üzünü ağ edim. Həmişə onlarla məsləhətləşmişəm. Anamın futbol haqqında anlayışı elə də çox deyil. Amma məlumat verdikcə, hadisələrdən xəbərdar olur.
- Hazırda komandadakı işlərinizdən nə dərəcədə razısınız?
- Şükürlər olsun ki, hər şey qaydasındadır. Komandamız turnir cədvəlinə başçılıq edir. “Xəzər Lənkəran”la eyni sayda xal toplasaq da, top fərqinə görə biz üst sırada qərarlaşmışıq.
- Deyəsən, “İnter”lə oyundan sonra komandanı çox təriflədilər. Çünki “Muğan”a qarşı çox zəif çıxış etdiniz...
- “İnter”ə qədər keçirdiyimiz oyunlarda da yaxşı çıxış etdik. Ola bilsin, “Muğan”la matça bir qədər arxayın çıxmışdıq. Bunun bizə mane olacağını düşünmürəm. Çünki komandanın öz oyun dəst-xətti var. Həm də “Neftçi”yə qarşı bütün komandalar var gücləri ilə oynayırlar.
- KİV-in “Neftçi”ni vaxtından əvvəl çempion elan etməsi futbolçulara necə təsir edib?
- Yox, çempionluq haqqında danışmaq olduqca tezdir. Hələ heç birinci dövrə başa çatmayıb. Sevindirici haldır ki, komanda yaxşı vəziyyətdədir. Mətbuatda yazılanlara gəldikdə, biz peşəkarıq. İşimizi görürük.
- Boş vaxtlarınızda nə ilə məşğul olursunuz?
- Məşq və oyunlarla əlaqədar boş vaxtlar az olur. İmkan tapan kimi, dost-tanışla görüşürəm, oturub dərdləşirik. Yorğunluq çox olduğuna görə, dincəlməyə üstünlük verirəm.
- Gəncsiniz, yəqin dinamik həyatı daha çox xoşlayırsınız?
- Hər gün eyni hadisələri yaşamaq olmur. Bu insanı yorur. Çalışıram ki, yeniliklər edim.
- Gənclər daha çox dincəlmək üçün istirahət mərkəzlərinə üz tuturlar. Siz necə, bu cür yerlərə gedirsinizmi?
- Xeyr, bu cür yerlərə getməyi xoşlamıram. Bar, diskotekanın nə olduğunu bilmirəm. Bu cür yerlərə bundan sonra da ehtiyac duymaram.
- Niyə isə bizdə bar, diskoteka adı gələndə bir qədər qəribə səslənir...
- Bəli, bizdə bar, diskoteka deyiləndə, pozğunluq olan məkan nəzərdə tutulur. Ona görə də belə yerlərə getməyi özümə sığışdırmıram. Çalışıram dostlarımla bir məkanda vaxt keçirək.
- Subaysınız, qız tanışlarınız çoxdurmu?
- Sözün düzü, əlaqəm yoxdur.
- Heç sizə yaxınlaşan qızlar olubmu?
- Olmayıb.
- Sevmisinizmi?
- Belə şeylərdən kənaram. Sevginin nə olduğunu bilmirəm. Bilmirəm deməklə, bunun nəsə qəribə bir şey olduğunu da söyləmək istəmirəm. Sadəcə, qarşıma belə bir insan çıxmayıb. İnşallah, xeyirlisi nədirsə, o da olacaq.
- İnternetdə necə, çox vaxt keçirirsiniz?
- “Odnoklassiki”də çox “otururuq”. Bu da daha çox xaricə gedəndə olur. Oteldə qalan zaman vaxt keçmədiyinə görə tanışlıq saytlarından istifadə edirik.
- Yəqin kimlərlə isə tanış olursunuz...
- Əlbəttə, söhbətlər gedib. Amma görüşmək olmayıb.
- Əsasən hansı mövzuda söhbət edirsiniz?
- Daha çox Azərbaycan futbolu haqqında danışırıq. Futbolumuzun niyə belə olduğunu və nə vaxt düzələcəyini xəbər alırlar.
- Sonuncu dəfə U-21 yığması ilə Belarusa səfər edibsiniz. Eşitdiyimə görə, yerli qızlar futbolçularımıza daha çox maraq göstəriblər...
- Elvin Məmmədovla bir otaqda qalırdıq. Başqa futbolçuları deyə bilmərəm, Elvinlə mən oteldən kənara çıxmadıq. Komanda yoldaşlarım çıxıbsa, buna pis baxmaq lazım deyil. Şəhəri gəzmək də lazımdır.
- Harasa gedəndə, qaldığınız şəhəri gəzməyi xoşlamırsınız?
- Xoşlayıram. Amma oyuna konsentrasiya olmaq üçün matç qurtarana qədər heç yerə getmədik. Oyundan sonra da gec oldu. Bir az da yorğun idik. Çox qaçdıq, nəticə qazanmaq istəyirdik. Buna görə də , oteldən kənara çıxmadıq.
- Artıq 22 yaşınız var. Ailə həyatı qurmaq haqqında düşünmürsünüz?
- Düşünürəm. Qarşıdakı 2-3 il ərzində ailə həyatı quracağam.
- Namizəd varmı?
- Hələ yox.
- Sizin üçün ailə həyatı quracağınız xanım hansı standartlara cavab verməlidir?
- Xarici görünüşə də diqqət yetirəcəyəm. Əsas savadlı, təhsilli olmasıdır.
- Hədiyyə almaqla aranız necədir?
- Ən çox anamla bacıma hədiyyə almışam. Hədiyyə alanda çox çətinlik çəkirəm. Gülün yanında nə isə almaq haqqında çox fikirləşirəm.
- Bəs özünüz üçün xüsusi çəkisi olan hər hansı hədiyyə qəbul etmisinizmi?
- Yaxınlarda dostlarım üzərində dini sözlər yazılmış plakat bağışladılar. Bu hədiyyənin mənim üçün xüsusi önəmi var.
- Kitab oxuyursunuz?
- Səbrim çatmır. Bir-iki dəfə kitab oxumağa cəhd etmişəm, amma sona qədər oturub oxuya bilmirəm. Televizora da çox baxmıram.
- Pelenin belə bir ifadəsi var: futbol beyinlə düşünülür, ayaqla oynanılır. Necə düşünürsünüz, futbolçularımızın zəif oynamasında bu amilin də rolu varmı?
- Düzdür, bunun da rolu var. Meydana gərək problemsiz çıxasan. Çöldəki problemin haqqında düşünsən, meydanda oyunun alınmayacaq. Ancaq bizdə problemsiz yaşamaq mümkün deyil.
- Arzunuz nədir?
- Çalışmışam ki, əməlimlə anamın, bacımın üzünü ağ edim. Həmişə onlarla məsləhətləşmişəm. Anamın futbol haqqında anlayışı elə də çox deyil. Amma məlumat verdikcə, hadisələrdən xəbərdar olur.
Oxşar xəbərlər
Ana səhifə
Bütün xəbərlər