“Sumqayıt” ilk xalını qazandı

19.09.2010 - 18:35

Futbol üzrə Azərbaycan çempionatının I Divizionunda III tura yekun vurulub. Apasport.az saytının məlumatına görə, bu gün turun 3 qarşılaşması baş tutub. “Abşeron”un vahid liderliyinə mane ola biləcək yeganə komanda olan “MKT-Araz” Qusar səfərindən xalsız qayıdıb – 1:2. Bu qələbə “Şahdağ”ı üçüncü pilləyə daşıyıb. “Bakılı” Şəmkir səfərində eyni adlı komandanı çətinliklə də olsa məğlub edib – 1:0. Bu, paytaxt futbolçularının mövqeyini yaxşılaşdırıb. “Sumqayıt” isə mövsümdəki ilk xalını “Neftçi” İSM ilə oyunda qazanıb – 0:0.

Xatırladaq ki, III tur bir gün əvvəl start götürmüşdü. Liderlərin qarşılaşmasında “Abşeron” “Rəvan”ı iki cavabsız qolla məğlub edib. Bu matçda Azərbaycan milli komandasının sabiq futbolçusu Murad Ağakişiyev də fərqlənib. O, aşağı dəstədə qol hesabını açıb. “Anşad-Petrol” sonuncu pilləyə göndərdiyi “Göyəzən”i məğlub etməklə ikinci pilləyə yüksəlib. Bu gün “Karvan” ilk qələbəsini, “Şuşa” isə ilk xalını bayram edib. “Energetik” isə ardıcıl üçüncü dəfə heç-heçə edib.

Birinci divizion
III tur, 19 sentyabr

"Sumqayıt" - "Neftçi" İSM - 0:0

"Şahdağ" - MKT "Araz" - 2:1
(Vahid Haşımov, 27 (p.); Elmar Yəhyabəyov, 34 // Elnur Məmmədov, 57)

"Şəmkir" - "Bakılı" - 0:1
(Fuad Əliyev, 49)

18 sentyabr

"Karvan" - "Ədliyyə" - 4:1
Röyal Nəcəfov, 13; 58; Ruslan Hüseynov, 59; Eldəniz Orucov, 67 - Sübhan Hacıyev, 6

"Şuşa" - "Energetik" - 1:1
Elşən Həbibov, 52 - Orxan Əlibalayev, 61

"Abşeron" - "Rəvan" - 2:0
Ramil Nuriyev, 68; Murad Ağakişiyev, 90+2

"Göyəzən" - "Anşad Petrol" - 1:3
İsmayıl İsmayılov, 18 - Vasif Əliyev, 68; 85; Nurəli Abdullayev, 78

1 Abşeron 3 3 0 0 11-1 9
2 "Anşad Petrol" 3 2 1 0 9-2 7
3 "Şahdağ" 3 2 1 0 6-2 7
4 "Rəvan" 3 2 0 1 6-2 6
5 MKT "Araz" 3 2 0 1 4-3 6
6 "Bakılı" 3 2 0 1 5-4 6
7 "Neftçi" İSM 3 1 2 0 7-3 5
8 "Karvan" 3 1 1 1 6-7 4
9 "Energetik" 3 0 3 0 4-4 3
10 "Sumqayıt" 3 0 1 2 1-6 1
11 "Şəmkir" 3 0 1 2 0-5 1
12 "Şuşa" 3 0 1 2 1-7 1
13 "Ədliyyə" 3 0 1 2 3-10 1
14 "Göyəzən"3 0 0 3 1-8 0