“Neftçi”nin Unibank Premyer Liqasının 2010/11 mövsümünün qış fasiləsi üçün hazırlıq planı müəyyənləşib. Apasport.az saytının məlumatına görə, komanda üzvləri gələn ilin oyunlarına 3 mərhələdə hazırlaşacaqlar. Futbolçular əvvəlcə yanvarın 7-8-də Bakıda tibbi baxışdan keçəcəklər. “Ağ-qaralar” yanvarın 10-da ölkə xaricinə yollanacaqlar. Türkiyənin Antalya şəhərində keçiriləcək ilk mərhələ ayın 20-də yekunlaşacaq. İkinci mərhələ isə 24 yanvar - 4 fevral aralığında yenidən Antalyada baş tutacaq. Futbolçularımız baş məşqçi Arif Əsədovun rəhbərliyi altında hazırlıq tapşırıqlarını yerinə yetirməklə yanaşı, bir neçə yoldaşlıq görüşündə qüvvələrini sınayacaqlar. Hazırlığın sonuncu mərhələsi isə Bakıda keçiriləcək.

Mənbə: neftchifc.com

• Joze Mourinyo: "Bu hakim məni sevmir"
• Murad Musayev ən yaxşı baş məşqçi seçilib
• ÇL: Haland tarixə düşüb
• PSJ-də ciddi itki
• Super Liqa klubunun yeni baş məşqçisi müəyyənləşib - RƏSMİ