“Bakıdakı məğlubiyyətdən sonra Türkiyə futbolundan məmnun deyiləm”

20.11.2010 - 10:47

Türkiyə yığmasının hollandiyalı baş məşqçisi Qus Hiddink Azərbaycan yığmasına məğlubiyyəti vətənində də xatırlayıb. Apasport.az saytının məlumatına görə, noyabrın 17-də Amsterdamda həmyerlilərinə 0:1 hesabı ilə yoldaşlıq görüşündə uduzan hollandiyalı çalışdırıcı heyətlə bağlı islahatlarından danışıb. Hiddink Hollandiyaya gənc komanda ilə gəlməsini belə izah edib: “Azərbaycana məğlubiyyət Türkiyə yığmasında gəncləşdirmə əməliyyatına başlamağa səbəb oldu. Avro-2012 yolunda çox önəmli iki məğlubiyyətdən sonra Türkiyə futbolundan həm məmnunam, həm də yox. Enişli-yoxuşlu bir dövrdəyik. Misal üçün Belçikaya qarşı çox pis deyildik. Ancaq Azərbaycan qarşısında xəyal qırıqlığı yaşadıq”.
Qeyd edək ki, Türkiyə yığması ötən ay 4 gündə səfərdə keçirdiyi səfər oyunlarında Almaniyaya 0:3, Azərbaycana 0:1 hesabı ilə uduzdu.