Qyoko Hacıyevski: Bu mənə çox pis təsir etdi

20.11.2010 - 20:35

"Hər iki komanda bu gün qələbə üçün oynadı, əzmkar mübarizə apardı. "Gəncə" futbolçuları bizim oyunçulardan təcrübə baxımından daha üstün idi”. Apasport.az saytının məlumatına görə, bu sözləri Zaqatalanın “Simurq” klubunun baş məşqçisi Qyoko Hacıyevski deyib..

Unibanj Premyer Liqasının XIV turunun “Gəncə” ilə qarşılaşmasından sonra keçirilən mətbuat konfransında oyun haqda fikir bildirən makedoniyalı mütəxəssis 2 xalla yanaşı kapitanlarını da itirdiklərindən gileylənib: “Qazandığımız nəticəni normal sayıram. Son dəqiqələrdə bir neçə dəfə fərqlənə bilərdik. Kapitan Rasim Ramaldanovun zədələnməsi mənə çox pis təsir etdi. "Gəncə" komandasını bu nəticə ilə təbrik edirəm. Azarkeşlərimizə dəstəyə görə minnətdaram".

Qeyd edək ki, “Simurq” “Gəncə” ilə görüşdə qolsuz heç-heçə ilə kifayətlənib.