Yığmamız Çin, Belarus və Ukrayna ilə eyni qrupda

22.11.2010 - 16:56

Rusiyada FİFA-nın sabiq I vitse-prezidenti Valentin Qranatkinin xatirəsinə həsr olunan beynəlxalq turnirin püşkü atılıb. Apasport.az saytının məlumatına görə, püşk yarışda mübarizə aparacaq 8 komandanı 2 qrupa bölüb.

Yeniyetmə futbolçular arasında 23-cü dəfə baş tutacaq turnirdə Azərbaycan yığması Çin, Belarus və Ukrayna eyni qrupda çıxış edəcək. A qrupunda isə Rusiya, Latviya, Finlandiya və İtaliya milli komandaları yer alıblar.

1993-cü il təvəllüdlülərin mübarizə aparacağı yarış 2011-ci il yanvarın 3-9-da keçiriləcək.
Qeyd edək ki, yığmamız ardıcıl 3-cü dəfədir ki, bu yarışda iştirak edir.