“Oyun bizim üstünlüyümüz şəraitində keçdi. İlk 20 dəqiqədə 30-a yaxın qol vəziyyəti yaratdıq. Ancaq istifadə edə bilmədik”. Bu sözləri apasport.az saytına açıqlamasında Azərbaycan çempionu Naxçıvanın “Araz” klubunun futzalçısı Vitali Borisov deyib.

UEFA kubokunun elit raundunun “Ararat-Nikosiya” ilə oyunundan sonra Borisov nəticədən narazı qalıb. Yığmamızın da üzvü olan Vitalinin fikrincə, kiprlilərlə görüşdəki 2:1 hesabı heç də oyuna görə olmayıb: “Rəqib cəmi 2 dəfə qapımıza doğru gəldi və 1-dən istifadə etdi. Bu qədər qol imkanı yaradıb, yararlana bilməmək bizim səhvimizdir. Deməzdim ki, rəqibi ciddiyə almadıq. Sadəcə, oyunumuz alınmadı. Qələbə qazansaq da, 2:1 hesabı növbəti oyunlarda işimizi çətinləşdirə bilər. Gərək qol vəziyyətlərindən maksimum istifadə edərdik”.

• Sabiq "Qalatasaray"lı karyerasını bitirib
• Yunus Akgün əməliyyat olunacaq
• Mərc qalmaqalı: Super Liqa klubunun prezidenti həbs olunub
• Messi milliyə çağırılıb
• TFF Orkun Kökçü və Sergen Yalçını CƏZALANDIRDI