“Hər şey Avropa Liqasında baş verənlərdən başladı” - MÜSAHİBƏ
24.11.2010 - 11:56
“Bakı” klubunun almaniyalı baş məşqçisi Vinfred Şaferin apasport.az saytına müsahibəsi
- Ardıcıl 3 qələbədən sonra özünüzü necə hiss edirsiniz?
- Hazırda komandada əla atmosfer var. Qeyd etdiyiniz kimi, son 3 turdan maksimum xalla ayrılmışıq. “Gəncə” ilə qarşılaşma bizim üçün dönüş nöqtəsi oldu. Buna qədər isə uğursuz matçlar keçirdik. Ona görə də, Gəncədəki oyunda çox şeyin dəyişəcəyini düşünürdük. Həmin görüşü yaxşı keçirdik. Futbolçular meydanda lazım olan işi gördülər. Yəni, heç kim özü üçün oynamadı. Hamı komandanın uğur qazanması üçün var gücünü ortaya qoydu. Bir nöqtəyə vurduq və nəticədə qələbə qazandıq. “Gəncə” matçından sonra keçirdiyimiz daha 2 qarşılaşmanı da qələbə ilə başa vurduq. “Qarabağ”ı 2:0, MOİK-i isə 4:0 hesabı ilə yendik.
- Komandanın ilk dövrədəki uğursuz çıxışının səbəbini müəyyənləşdirmisiniz?
- Bəli, birinci dövrədə uğursuz çıxış etdik. Təbii ki, bunun bir deyil, bir neçə səbəbi var. Hər şey Avropa Liqasında baş verənlərdən başladı. Texniki məğlubiyyət futbolçulara mənəvi cəhətdən güclü zərbə vurdu. Yəni, “Buduçnost”a hər iki matçda qalib gəlsək də, mübarizəni dayandırıb, oyunları kənardan izləməli olduq. Bu da çempionatda mənfi təsirini göstərdi. Digər tərəfdən, yayda heyətə xeyli futbolçu cəlb etdik. Onların uyğunlaşması üçün xeyli vaxt lazım idi. Həm də futbolçularımız müxtəlif millətlərin nümayəndələridir. Məsələn, braziliyalılar, balkanlar, afrikalılar və s. Bütün bunları bir qrup halında birləşdirmək lazım idi. Bu da müəyyən vaxt apardı. Şadam ki, artıq uğursuzluqları arxada buraxdıq. Bu haqda geniş danışmaq istəmirəm. Ancaq irəli baxmalıyıq və növbəti görüşlər haqda düşünməliyik.
- Oyun baxımından “Bakı”nın xoş təsir bağışladığını söyləmək olmaz. Sizcə, problem nədədir?
- Əvvəlki oyunlarla müqayisədə, son matçlarda sistemimizi dəyişmişdik. İlk vaxtlar 4-3-3 sisteminə üstünlük verdiyimiz halda, son oyunlarda meydana 4-4-2 taktiki düzülüşü ilə çıxırıq. Əsas odur ki, bu gün əlimdə olan futbolçulara uyğun ən ideal sistemi seçməyə çalışıram. Hələ ki, komandam bunu bacarır. Oyunumuz elə də pis deyil. Son 3 turda yaxşı oynamışıq. Bunun nəticəsində də rəqib qapısından 9 top keçirib, öz qapımızdan birini buraxmışıq. Xalları yaxşı oyunla qazanmışıq.
- Komandanız MOİK-lə qarşılaşmada 2 fərqli hissə oynadı. İlk yarıda qol vura bilmədiyiniz halda, ikinci 45 dəqiqədə qapıya 4 dəfə yol tapdınız. Fasilədə nəyi dəyişdiniz ki, “Bakı” böyük hesablı qələbə qazandı?
- Futbolçulara oyuna daha yaxşı konsentrasiya olmağı, yalnız matç haqda düşünmələrini söylədim. “Muğan”a uduzduq, “Simurq”la görüşdə heç-heçə etdik. Bu, arxayınçılığın nəticəsi idi. Futbolçulara meydanda daha çox çalışmalarını və standart vəziyyətlərə diqqət yetirmələrini tapşırdım.
- Növbəti turda “Xəzər Lənkəran”la qarşılaşacaqsınız. Liderdən cəmi bir xal geri qalan və turnir cədvəlinin ikinci pilləsində məskunlaşan əyalət təmsilçisi ilə duel öncəsi nə deyə bilərsiniz?
- Güclü komandadır. Amma birinci dövrədə onlara qarşı pis oynamamışıq. Meydanda 10 nəfərlə qalmağımıza və hesabda geri olmağımıza baxmayaraq, heç-heçəyə nail olmuşuq. Yəni, səfərdən sərfəli nəticə ilə dönmüşük. Taktiki cəhətdən nizam-intizamlı oynamalı, səhvə yol verməməliyik. Bunları etsək, qələbə qazanacağımıza inanıram.
- Yayda heyətə qatdığınız Joel Epallenin zədəsinin xroniki olması barədə müəyyən fikirlər səsləndirildi. Kamerunlu yarımmüdafiəçi cərrahiyyə əməliyyatından sonra necə təsir bağışlayır?
- Əvvəla qeyd edim ki, Epallenin zədəsi xroniki deyildi. Düzdür, bununla bağlı mətbuatda çox yazıldı, müəyyən fikirlər bildirildi. Əsla belə deyil. O, yayda hazırlıq zamanı Lüksemburq çempionu ilə keçirdiyimiz yoldaşlıq oyununda zədələnmişdi. İndi hər şey yaxşıdır. Cərrahiyyə əməliyyatı olduqdan sonra bərpa prosesini keçib. Tam hazır olmasa da, üzərində işləyir. Ötən oyunda qol vurdu. Getdikcə komandaya daha çox fayda verəcəyinə inanıram.
- Ardıcıl 3 qələbədən sonra özünüzü necə hiss edirsiniz?
- Hazırda komandada əla atmosfer var. Qeyd etdiyiniz kimi, son 3 turdan maksimum xalla ayrılmışıq. “Gəncə” ilə qarşılaşma bizim üçün dönüş nöqtəsi oldu. Buna qədər isə uğursuz matçlar keçirdik. Ona görə də, Gəncədəki oyunda çox şeyin dəyişəcəyini düşünürdük. Həmin görüşü yaxşı keçirdik. Futbolçular meydanda lazım olan işi gördülər. Yəni, heç kim özü üçün oynamadı. Hamı komandanın uğur qazanması üçün var gücünü ortaya qoydu. Bir nöqtəyə vurduq və nəticədə qələbə qazandıq. “Gəncə” matçından sonra keçirdiyimiz daha 2 qarşılaşmanı da qələbə ilə başa vurduq. “Qarabağ”ı 2:0, MOİK-i isə 4:0 hesabı ilə yendik.
- Komandanın ilk dövrədəki uğursuz çıxışının səbəbini müəyyənləşdirmisiniz?
- Bəli, birinci dövrədə uğursuz çıxış etdik. Təbii ki, bunun bir deyil, bir neçə səbəbi var. Hər şey Avropa Liqasında baş verənlərdən başladı. Texniki məğlubiyyət futbolçulara mənəvi cəhətdən güclü zərbə vurdu. Yəni, “Buduçnost”a hər iki matçda qalib gəlsək də, mübarizəni dayandırıb, oyunları kənardan izləməli olduq. Bu da çempionatda mənfi təsirini göstərdi. Digər tərəfdən, yayda heyətə xeyli futbolçu cəlb etdik. Onların uyğunlaşması üçün xeyli vaxt lazım idi. Həm də futbolçularımız müxtəlif millətlərin nümayəndələridir. Məsələn, braziliyalılar, balkanlar, afrikalılar və s. Bütün bunları bir qrup halında birləşdirmək lazım idi. Bu da müəyyən vaxt apardı. Şadam ki, artıq uğursuzluqları arxada buraxdıq. Bu haqda geniş danışmaq istəmirəm. Ancaq irəli baxmalıyıq və növbəti görüşlər haqda düşünməliyik.
- Oyun baxımından “Bakı”nın xoş təsir bağışladığını söyləmək olmaz. Sizcə, problem nədədir?
- Əvvəlki oyunlarla müqayisədə, son matçlarda sistemimizi dəyişmişdik. İlk vaxtlar 4-3-3 sisteminə üstünlük verdiyimiz halda, son oyunlarda meydana 4-4-2 taktiki düzülüşü ilə çıxırıq. Əsas odur ki, bu gün əlimdə olan futbolçulara uyğun ən ideal sistemi seçməyə çalışıram. Hələ ki, komandam bunu bacarır. Oyunumuz elə də pis deyil. Son 3 turda yaxşı oynamışıq. Bunun nəticəsində də rəqib qapısından 9 top keçirib, öz qapımızdan birini buraxmışıq. Xalları yaxşı oyunla qazanmışıq.
- Komandanız MOİK-lə qarşılaşmada 2 fərqli hissə oynadı. İlk yarıda qol vura bilmədiyiniz halda, ikinci 45 dəqiqədə qapıya 4 dəfə yol tapdınız. Fasilədə nəyi dəyişdiniz ki, “Bakı” böyük hesablı qələbə qazandı?
- Futbolçulara oyuna daha yaxşı konsentrasiya olmağı, yalnız matç haqda düşünmələrini söylədim. “Muğan”a uduzduq, “Simurq”la görüşdə heç-heçə etdik. Bu, arxayınçılığın nəticəsi idi. Futbolçulara meydanda daha çox çalışmalarını və standart vəziyyətlərə diqqət yetirmələrini tapşırdım.
- Növbəti turda “Xəzər Lənkəran”la qarşılaşacaqsınız. Liderdən cəmi bir xal geri qalan və turnir cədvəlinin ikinci pilləsində məskunlaşan əyalət təmsilçisi ilə duel öncəsi nə deyə bilərsiniz?
- Güclü komandadır. Amma birinci dövrədə onlara qarşı pis oynamamışıq. Meydanda 10 nəfərlə qalmağımıza və hesabda geri olmağımıza baxmayaraq, heç-heçəyə nail olmuşuq. Yəni, səfərdən sərfəli nəticə ilə dönmüşük. Taktiki cəhətdən nizam-intizamlı oynamalı, səhvə yol verməməliyik. Bunları etsək, qələbə qazanacağımıza inanıram.
- Yayda heyətə qatdığınız Joel Epallenin zədəsinin xroniki olması barədə müəyyən fikirlər səsləndirildi. Kamerunlu yarımmüdafiəçi cərrahiyyə əməliyyatından sonra necə təsir bağışlayır?
- Əvvəla qeyd edim ki, Epallenin zədəsi xroniki deyildi. Düzdür, bununla bağlı mətbuatda çox yazıldı, müəyyən fikirlər bildirildi. Əsla belə deyil. O, yayda hazırlıq zamanı Lüksemburq çempionu ilə keçirdiyimiz yoldaşlıq oyununda zədələnmişdi. İndi hər şey yaxşıdır. Cərrahiyyə əməliyyatı olduqdan sonra bərpa prosesini keçib. Tam hazır olmasa da, üzərində işləyir. Ötən oyunda qol vurdu. Getdikcə komandaya daha çox fayda verəcəyinə inanıram.
Oxşar xəbərlər
Ana səhifə
Bütün xəbərlər