"Müalicəmi davam etdirirəm. Gündən-günə özümü daha da yaxşı hiss edirəm”. Apasport.az saytının məlumatına görə, bu sözləri Bakının “Neftçi” klubunun futbolçusu Flavinyo deyib.

Unibank Premyer Liqasının XII turu çərçivəsində səfərdə "Muğan"la görüşün 16-cı dəqiqəsində ciddi zədə alaraq meydanı tərk edən braziliyalı yarımmüdafiəçi hazırda vətənində müalicə olunur. Sol ayağında sınıq olduğu aşkarlanan Flavinyo klubun rəsmi internet saytına açıqlama verib: "Neftçi"nin həkimləri ilə müntəzəm əlaqə saxlayıb, müalicənin gedişi haqda onları xəbərdar edirəm. Flaqmanın düşərgəsinə qayıdıb, meydana çıxacağım günü səbirsizliklə gözləyirəm".

Qeyd edək ki, Flavinyo qış fasiləsi dönəmində "Neftçi"nin Antalyada keçirəcəyi ilk təlim-məşq toplanışından əvvəl komandanın düşərgəsinə qoşulacaq.

• Arda Güler ən yaxşı seçildi
• “Fiorentina”nın yeni baş məşqçisi bəlli olub
• “Çelsi” heyətini argentinalı oyunçu ilə gücləndirəcək
• Kukurella karyerasını La Liqada davam etdirə bilər
• “İnter” braziliyalı müdafiəçi ilə yeni müqavilə imzalayacaq