Azərbaycan milli komandası üçün 2010-cu ili də bitmiş saymaq olar. İlk oyununu 1992-ci ildə keçirən yığmamız tarixinin 19-cu qışı ərəfəsindədir. Apasport.az saytının araşdırmalarına görə, bitməkdə olan il komandamızın son 12 il ərzində ən uğurlusu olub.

İl ərzində 10 matç keçirən Berti Foqtsun komandası 3 qələbə və 3 heç-heçəyə nail olmaqla, 12 xal qazanıb. Bu xalların cəmi 10 qarşılaşmada qazanıldığını nəzərə alsaq, millimiz hər görüşdə orta hesabla 1,2 xal əldə edib. Belə yüksək nəticəyə isə son 12 ildə təsadüf olmamışdı.

1998-ci ildən sonra belə uğurun həsrətində olan millimiz Foqtsun rəhbərliyi ilə bunu bacardı. Bu, həm də yığma tarixinin 4-cü nəticəsidir. Lakin ədalət naminə qeyd olunmalıdır ki, 1993 və 1998-ci illərin göstəriciləri yoldaşlıq oyunları hesabına “şişib”.

17 il əvvəl seçmə oyunu keçirməyən yığmamız, 1998-ci ildə rəsmi matçların hamısında uduzmuşdu. Elə bunu nəzərə alsaq, yalnız İsveçrəni məğlub etdiyimiz 1996-cı ili cari illə müqayisə etmək olar.

Orta məhsuldarlıqda da artım göz qabağındadır. Millimiz son 6 ildə olmadığı qədər qola imza atıb. Sonuncu dəfə 2003 və 2004-cü illərdə qeydə alınan məhsuldarlıq isə hələ keçilməzdir. Lakin 6 il əvvəl 11 qoldan 8-ni Qazaxıstan, Özbəkistan və Latviya ilə ardıcıl təşkil olunan yoxlama oyunlarında vurmuşuq.

Buraxılan qolların azlığında da kifayət qədər yaxşı nəticə göstərən Foqtslu millimiz 2 il əvvəlki rekordunu təkrarlaya bilmədi. 2008-ci ildəkindən az qala ikiqat çox qol buraxmağımıza baxmayaraq, bu da son 6 ilin ikinci göstəricisidir.

Qeyd edək ki, həm xal, həm vurulan, həm də buraxılan qollardakı bir illik orta göstərici 19 ili əhatə edən orta nəticədən xeyli yüksəkdir.

il	O	Q	H	M	TOP	X	ORTA XAL	ORTA TOP/ VURULAN	ORTA TOP/ BURAXILAN
1992	1	0	0	1	3-6	0	0	3	-6
1993	4	3	1	0	9-5	10	2,5	2,25	-1,25
1994	6	0	0	6	1-15	0	0	0,17	-2,5
1995	6	0	1	5	2-21	1	0,17	0,33	-3,5
1996	9	3	2	4	8-13	11	1,22	0,89	-1,44
1997	10	1	1	8	5-19	4	0,4	0,5	-1,9
1998	10	5	2	3	9-12	17	1,7	0,9	-1,2
1999	9	1	2	6	8-24	5	0,56	0,89	-2,67
2000	9	0	2	7	2-13	2	0,22	0,22	-1,44
2001	10	2	2	6	6-15	8	0,8	0,6	-1,5
2002	11	1	4	6	5-15	7	0,64	0,45	-1,36
2003	8	1	2	5	8-18	5	0,63	1	-2,25
2004	11	2	5	4	11-18	11	1	1	-1,64
2005	11	0	2	9	2-24	2	0,18	0,18	-2,18
2006	8	0	4	4	2-15	4	0,5	0,25	-1,88
2007	14	4	2	8	11-24	14	1	0,79	-1,71
2008	11	2	4	5	6-9	10	0,91	0,55	-0,82
2009	13	2	3	8	8-23	9	0,69	0,62	-1,77
2010	10	3	3	4	9-17	12	1,2	0,9	-1,7
CƏMİ	171	30	42	99	115-306	132	0,82	0,71	-1,9

• Amorim ilk dəfə ayın məşqçisi seçilib
• Arda Güler ən yaxşı seçildi
• “Fiorentina”nın yeni baş məşqçisi bəlli olub
• “Çelsi” heyətini argentinalı oyunçu ilə gücləndirəcək
• Kukurella karyerasını La Liqada davam etdirə bilər