Öncə prinsipial, sonra tarixi görüş
26.11.2010 - 11:25
Öncə prinsipial, sonra tarixi görüş
Sabah Unibank Premyer Liqasında XV tura start veriləcək. Apasport.az saytının məlumatına görə, turun mərkəzi görüşləri mərkəzi arenada baş tutacaq. “Bakı” şənbə günü Tofiq Bəhramov adına Respublika stadionunda “Xəzər Lənkəran”ı cari mövsümdən ev oyunlarını ölkənin baş arenasında keçirən “Qarabağ” isə ertəsi gün “Neftçi”ni qəbul edəcək.

2004-cü ildən görüşən “Bakı” ilə “Xəzər Lənkəran”ın qarşılaşmaları həmişə prinsipiallığı ilə seçilib. Cənub təmsilçisi ötən mövsümü titulla başa vurmağa çox yaxın olduğu halda, məhz “zolaqlılar”a məğlubiyyətlər buna imkan vermədi. Çempionatın axırıncı turunda öz meydanında “Bakı”ya uduzan (0:1) “ağ-yaşıllar” heç mükafatçılar sırasına düşə bilmədi. Elə həmin matçdan bir həftə sonra mərkəzi arenada ölkə kubokunda finalında da bakılılara uduzan (1:2), lənkəranlılar mövsümü titulsuz bitirdilər. İlk dövrədə də rəqibinə qalib gələ bilməyən “Xəzər Lənkəran” cari mövsümdə mərkəzi arenada ikinci oyununa çıxacaq. Mirça Rednikin yetirmələri bu stadionda ilk dövrədə “Qarabağ”a 1:0 hesabı ilə qalib gəlib.

“Qarabağ” isə bu dəfə tarixi görüşə çıxır. 1992-ci ildən başlayan milli çempionatımızın iştirakçıları olan “Neftçi” ilə “Qarabağ”ın oyunları derbi sayılır. Komandalar yenə meydana yalnız qələbə üçün çıxacaqlar. Ağdam təmsilçisi son iki görüşdə eyni hesabla uduzaraq (0:2), heç qol da vura bilməyib. “Neftçi” isə elə mərkəzi arenada “Qəbələ” ilə oyunda (0:0) büdrəməklə, “Xəzər Lənkəran”la xal fərqinin minimuma enməsinə şərait yaratdı. “Neftçi” çox vaxt ev oyunlarını Respublika stadionunda keçirdiyindən, “Qarabağ”la görüşdə nominal qonaq olacaq.

Son vaxtlar uğursuzluq yaşayan “Gəncə” azarkeşlərini sevindirməlidir. Hər halda, turnir cədvəlinin sonuncusu MOİK-ə evdə qalib gəlmək ciddi problem olmamalıdır. Üstəlik, gəncəlilər güclülər dəstəsinə qayıdandan sonra ən böyük hesablı qələbəsini (5:0) məhz “hərbçilər” üzərində qazanıb və rəqibin baş məşqçisi Ramil Əliyevi istefa verməyə məcbur edib. Ancaq MOİK rəhbərliyi bunu qəbul etmədiyindən, gənc çalışdırıcı postunda qalıb.

“Qəbələ” isə uğurlu seriyasını davam etdirməlidir. Üstəlik, komanda öz meydanında autsayder “Simurq”la qarşılaşır. “Muğan” xeyli müddətdir qələbəyə həsrət qalsa da, “İnter” bu rəqiblə oyuna asan sınaq kimi baxmamalıdır. Ən azından ona görə ki, “bankirlər” I dövrədə Salyan təmsilçisini çətinliklə, matçın sonunda təyin edilən penalti zərbəsi hesabına yendi (1:0).

Liderlər qrupunda yer alan AZAL çempionatda yerini qorumağa çalışan “Turan”ın qonağı olacaq. Elə “təyyarəçilər” də “İnter” kimi “Şəfa” stadionunda rəqibinə ilk dövrədə 1:0 hesabı ilə qalib gəlib və indi əyalətdə sınağa çıxacaq.

27 noyabr
14:00. "Gəncə" - MOİK
Hakimlər: Elvin Əsgərov, Samir Hacıyev, Mübariz Haşımov, Ramil Diniyev
Gəncə. Şəhər stadionu
Birinci dövrədəki oyun – 5:0

14:00. "Qəbələ" - "Simurq"
Hakimlər: Anar Salmanov, Yaşar Abbasov, Azad Ə. Hüseynov, Teymur Fərhadov
Qəbələ. Şəhər stadionunun ehtiyat meydançası
Birinci dövrədəki oyun – 2:0

16:10. "Bakı" - "Xəzər Lənkəran"
Hakimlər: Vüsal Əliyev, Mehman Mahmudov, Roman Vasilyev, Fariz Yusifov
Bakı. Tofiq Bəhramov adına Respublika stadionu
Birinci dövrədəki oyun – 1:1

28 noyabr
13:00. "Muğan" - "İnter"
Hakimlər: Əfqan Həmzəyev, Elşən Acalov, Rza Məmmədov, Ceyhun Haşımov
Salyan. Olimpiya İdman Kompleksinin stadionu.
Birinci dövrədəki oyun – 0:1

14:00. "Turan" - AZAL
Hakimlər: Elnur Muradov, Vaqif Musayev, Coşqun Həsənov, Fuad Həsənov
Tovuz. Şəhər stadionu
Birinci dövrədəki oyun – 0:1

15:00. "Qarabağ" - "Neftçi"
Hakimlər: Rövşən Əhmədov, Eldar Nağıbəyov, Elman Musayev, Rəhim Həsənov
Bakı. Tofiq Bəhramov adına Respublika stadionu
Birinci dövrədəki oyun – 1:1

1

Neftçi

14

9

4

1

29-7

31

2

Xəzər Lənkəran

14

9

3

2

16-6


3
0

3

AZAL

14

8

4

2

20-7

28

4

İnter

14

8

3

3

13-9

27

5

Bakı

14

6

3

5

21-16

21

6

Qarabağ

14

6

3

5

15-11

21

7

Qəbələ

14

5

5

4

9-7

20

8

Gəncə

14

3

7

4

19-20

16

9

Turan

14

2

5

7

11-21

11

10

Muğan

14

2

5

7

6-16

11

11

Simurq

14

1

4

9

9-21

7

12

MOİK

14

1

2

11

5-32

5



Bombardir: Bahodir Nasimov (“Neftçi”) - 14