Arif Əsədov: Qarşıdakı derbi hər şeyi kənarda qoyacaq
26.11.2010 - 12:41
“Qəbələ” ilə oyundakı xal itkisindən sonra futbolçularda hansısa psixoloji problem yoxdur. Hazırda hər şey normaldır. Biz həmin nəticəni unudub, növbəti görüşü düşünürük”. Bu fikirləri apasport.az saytına açıqlamasında “Neftçi” klubunun baş məşqçisi Arif Əsədov deyib.
O, Unibank Premyer Liqasının XV turunda vaxtilə oynadığı “Qarabağ”la görüşəcək. 18 ildir keçirilən “Neftçi” – “Qarabağ” derbisində qələbə qazanmaq istəyən “ağ-qaralar” I dövrədəki qarşılaşmada (1:1) Bahodir Nasimovun son dəqiqələrdə vurduğu qolla məğlubiyyətdən qaça bilmişdi. Əsədov hər iki komandanın xal itirməsindən sonra öz aralarındakı görüşdə qələbənin əhəmiyyətinin daha da artması ilə razılaşır: “Fikrimcə, hər iki komandanın durumu eynidir və itiriləsi heç nəyi yoxdur. “Neftçi” ilə “Qarabağ”ın qalib gəlmək istəyi böyük olduğundan, oyun daha gərgin mübarizə şəraitində keçəcək. Deməzdim ki, “Qarabağ” cari mövsümdə zəif təsir bağışlayır. Bunu onların oyunlarını izlədiyim üçün deyirəm. Düzdür, son 2 matçda uduzub və “Bakı” ilə görüşdə oyunları heç alınmadı. Ancaq AZAL-la matçda heç də pis çıxış etmədilər. Ancaq qarşıdakı derbi hər şeyi kənarda qoyacaq. Komandaların psixoloji durumundan, turnir cədvəlindəki mövqeyindən asılı olmayaraq, “Neftçi” ilə “Qarabağ” arasındakı oyunlar həmişə gərginliyi ilə seçilib”.
Əsədovun fikrincə, “Xəzər Lənkəran”la xal fərqinin minimuma enməsi komandada psixoloji gərginlik yaratmır: “Çempionat hələ uzundur. Buna qədər də “Xəzər Lənkəran”la xal fərqimiz birə bərabər olub, onların hətta liderliyi bizdən aldığı, sonradan geri qaytardığımız vaxt olub. Bunlar normaldır, hələ belə dəyişikliklər çox olacaq. İndi fikirləşdiyimiz yeganə şey öz oyunumuz, öz xallarımızı qazanmaqdır. Başqa şeylərin bizə dəxli yoxdur”.
Lənkəranlılar da bu tur Tofiq Bəhramov adına Respublika stadionunda qonaq olacaq. “Neftçi” ən yaxın izləyicisinin “Bakı” ilə görüşündən bir gün sonra oynayacağından, nəticəni bilərək meydana çıxacaq. Əsədov istənilən halda, arxayınlaşmağa əsas görmür: “Xəzər Lənkəran” xal itirsə, arxayınlaşmayacağıq. Yaxud qələbə qazansa da, bunu əlavə yük kimi qəbul etməyib, öz xal ehtiyatımızı artırmağa çalışacağıq. “Bakı” – “Xəzər Lənkəran”la oyunu ilə bağlı proqnoza gəlincə, mən heç vaxt rəqiblər haqda danışmıram. Kim həmin gün güclüdürsə, qələbəyə daha layiqdirsə, qalib gəlsin”.
Mehman SÜLEYMANOV
O, Unibank Premyer Liqasının XV turunda vaxtilə oynadığı “Qarabağ”la görüşəcək. 18 ildir keçirilən “Neftçi” – “Qarabağ” derbisində qələbə qazanmaq istəyən “ağ-qaralar” I dövrədəki qarşılaşmada (1:1) Bahodir Nasimovun son dəqiqələrdə vurduğu qolla məğlubiyyətdən qaça bilmişdi. Əsədov hər iki komandanın xal itirməsindən sonra öz aralarındakı görüşdə qələbənin əhəmiyyətinin daha da artması ilə razılaşır: “Fikrimcə, hər iki komandanın durumu eynidir və itiriləsi heç nəyi yoxdur. “Neftçi” ilə “Qarabağ”ın qalib gəlmək istəyi böyük olduğundan, oyun daha gərgin mübarizə şəraitində keçəcək. Deməzdim ki, “Qarabağ” cari mövsümdə zəif təsir bağışlayır. Bunu onların oyunlarını izlədiyim üçün deyirəm. Düzdür, son 2 matçda uduzub və “Bakı” ilə görüşdə oyunları heç alınmadı. Ancaq AZAL-la matçda heç də pis çıxış etmədilər. Ancaq qarşıdakı derbi hər şeyi kənarda qoyacaq. Komandaların psixoloji durumundan, turnir cədvəlindəki mövqeyindən asılı olmayaraq, “Neftçi” ilə “Qarabağ” arasındakı oyunlar həmişə gərginliyi ilə seçilib”.
Əsədovun fikrincə, “Xəzər Lənkəran”la xal fərqinin minimuma enməsi komandada psixoloji gərginlik yaratmır: “Çempionat hələ uzundur. Buna qədər də “Xəzər Lənkəran”la xal fərqimiz birə bərabər olub, onların hətta liderliyi bizdən aldığı, sonradan geri qaytardığımız vaxt olub. Bunlar normaldır, hələ belə dəyişikliklər çox olacaq. İndi fikirləşdiyimiz yeganə şey öz oyunumuz, öz xallarımızı qazanmaqdır. Başqa şeylərin bizə dəxli yoxdur”.
Lənkəranlılar da bu tur Tofiq Bəhramov adına Respublika stadionunda qonaq olacaq. “Neftçi” ən yaxın izləyicisinin “Bakı” ilə görüşündən bir gün sonra oynayacağından, nəticəni bilərək meydana çıxacaq. Əsədov istənilən halda, arxayınlaşmağa əsas görmür: “Xəzər Lənkəran” xal itirsə, arxayınlaşmayacağıq. Yaxud qələbə qazansa da, bunu əlavə yük kimi qəbul etməyib, öz xal ehtiyatımızı artırmağa çalışacağıq. “Bakı” – “Xəzər Lənkəran”la oyunu ilə bağlı proqnoza gəlincə, mən heç vaxt rəqiblər haqda danışmıram. Kim həmin gün güclüdürsə, qələbəyə daha layiqdirsə, qalib gəlsin”.
Mehman SÜLEYMANOV
Oxşar xəbərlər
Ana səhifə
Bütün xəbərlər