Latviya yığmasının məşqçilər korpusu Azərbaycanda çıxış edən oyunçularına daha çox diqqət ayırmalıdır. Apasport.az saytının məlumatına görə, milli komandanın 2010-cu ildəki fəaliyyətini dəyərləndirən latviyalı həmkarlarımız bu qənaətə gəliblər.

Düzdür, jurnalistlər Ağdamın “Qarabağ” klubunun şərəfini qoruyan Andrey Rubinin yığma karyerasını bitirməyini istəyirlər: “Yuri Layzans, Vitali Astafyev və Andrey Rubin Latviya yığmasının rəmzləri sayılır. Lakin yeni formalaşacaq komandada onların heç birini görmürəm. Aleksandr Starkov geniş seçim imkanından yararlanıb, onları gənclərlə əvəz etməlidir”.

Latviya mətbuatı seçim edəcəyi halda, Starkova bir sıra məsləhətlər də verib. Bu məsləhətlərdən biri də Azərbaycan çempionatını daim diqqətdə saxlamaqdır: “Azərbaycan Premyer Liqasının UEFA reytinqində 37-ci olması həqiqəti əks etdirmir. Bu çempionat layiq olduğundan aşağılarda qərarlaşıb. Bu da onunla bağlıdır ki, həmin ölkə klubları futbola qoyulan böyük pulların bəhrəsini yalnız son mövsümdə gördülər. Təsəvvür edin ki, Azərbaycan UEFA reytinqinə 3 Baltikyanı ölkə təmsilçilərinin birlikdə qazandığından çox xal əlavə edib. Bu çempionatda Rubinlə yanaşı, Girt Karlson, Pavel Doroşev kimi oyunçularımız çıxış edir. Lakin bu payız həm Rubin, həm də Karlson çox zəif idi. Hər halda, 1 il əvvəl tam fərqli Rubin var idi”.

Qeyd edək ki, Latviya yığmasının Çinlə keçirdiyi son oyununa Azərbaycan çempionatından yalnız 1 futbolçu – “Xəzər Lənkəran”ın qapıçısı Denis Romanov çağırılmışdı.

• Keçmiş klubu Feliksi geri qaytarmaq istəməyib
• “Mançester Siti” evdə qalib gəlib
• “Barselona” “Alaves”i məğlub edib
• "Qalatasaray" azarkeşlərinə şad xəbər: Derbidə çıxış edə bilər
• A Seriyasından Premyer Liqaya