“İlk dövrədə evdə oynadığımız üçün 2 xalı itirməməli idik. Zəif oynadıq və qələbəni əldən verdik. Nəticədə 1 xalla kifayətlənməli olduq. “Bakı” indi daha güclü oynayacaq ki, uğurlu seriyanı davam etdirsin”. Bu sözləri apasport.az saytına açıqlamasında “Xəzər Lənkəran”ın yarımmüdafiəçisi Alim Qurbanov deyib.

Bu gün Unibank Premyer Liqasının XV turu çərçivəsində “Bakı”nın qonağı olacaq əyalət təmsilçisi bir həftədir paytaxtda hazırlıq keçir. Təlim-məşq toplanışına yığışan “ağ-yaşıllar” paytaxtın eyniadlı təmsilçisindən revanş almaq niyyətindədir: “Onlar da mükafatlar uğrunda mübarizə aparırlar. Biz də əlimizdən gələni edəcəyik ki, qələbə qazanaq və öz meydanımızda itirdiyimiz xalların əvəzini çıxaq”.

Qurbanov rəqibin müdafiə xəttinin zəif təsir bağışladığını vurğulayıb: “Bakı”nın gücü orta və hücum xəttindədir. Həqiqətən də hər iki xətdə yaxşı futbolçuları var. Yarımmüdafiə və hücuma nisbətən müdafiə bir qədər zəifdir. Onların oyunlarını izləmişik. Baş məşqçi də meydanda hansı işi görəcəyimizi bizə başa salıb. Nə etməli olduğumuzu yaxşı bilirik”.

• "Liverpul" və "Mançester Siti" Premyer Liqa forvardını hədəfləyir
• Messinin komandası finalda
• "Bavariya" rekordunu təkrarlayıb
• Lionel Messi yeni rekorda imza atıb
• La Liqa: Nəhənglərdən qələbə