Bakının “Neftçi” klubunun nümayəndələri Türkiyəyə ezam olunublar. Apasport.az saytının məlumatına görə, paytaxt təmsilçisinin icraçı direktoru Mübariz Xudiyev və məşqçi-seleksiyaçı Bəxtiyar Musayevin səfərinin məqsədi Türkiyənin Antalya şəhərində keçiriləcək təlim-məşq toplanışı üçün məkan seçilməsidir.

“Neftçi”nin əvvəlcədən məlum olan hazırlıq planının ardından yoxlama oyunlarındakı rəqiblər də müəyyənləşib. Gələn il yanvarın 7-8-də Bakıda tibbi baxışdan keçəcək flaqman Antalyada ayın 10-dan 20-dək keçiriləcək hazırlığın ilk mərhələsində bir yoldaşlıq oyununda qüvvəsini sınayacaq. Görüşün yanvarın 19-da Rusiya çempionatının bürünc mükafatçısı "Rubin" klubunun ikinci komandası ilə keçirilməsi nəzərdə tutulub.

Yanvarın 24-dən fevralın 4-dək yenə də Antalyada baş tutacaq ikinci mərhələdə isə üç yoldaşlıq oyunu keçirmək niyyətində olan bakılılar yanvarın 29-da Avstriya təmsilçisi "Şturm"la qarşılaşmalıdır. Baş tutacağı gözlənilən bu görüşlə bağlı Avstriya klubundan müsbət cavab da gəlib. Lakin rəqiblərin dəyişdiriləcəyi ehtimalı da var.

Mənbə: neftchifc.com

• "Barselona" yenilənmiş stadionda ilk məşqinə çıxıb - FOTO
• Türkiyə millisinin heyəti açıqlanıb
• Türk futbolunda zəlzələ: Matçlar təxirə salınacaq?
• Amorim ilk dəfə ayın məşqçisi seçilib
• Arda Güler ən yaxşı seçildi