Tanınmış futbolçu və şərhçi Vladimir Maslaçenko Moskvada 74 yaşında vəfat edib.

APA-nın məlumatına görə, Maslaçenko noyabrın 18-də insult diaqnozu ilə xəstəxanaya yerləşdirilib. Lakin həkimlər onu xilas edə bilməyiblər.

Son illər o, “NTV-Plyus Futbol” telekanalında şərhçi işləyib. Futbol jurnalistikası ilə 1970-ci ildən məşğul olmağa başlayan Maslaçenko əsas futbol şərhçilərindən sayırdı.

Futbolçu kimi isə o, karyerasının böyük hissəsini Moskva “Spartak”ında keçirib və 1962-ci ildə bu komandanın heyətində SSRİ çempionu olub. SSRİ yığmasının heyətində isə 8 oyun keçirib, yığmanın heyətində 1958-ci il dünya çempionatında iştirak edib.

1961-ci ildə Maslaçenko SSRİ-nin ən yaxşı qapısını seçilib. O, 100 rəsmi oyunda qapısını toxunulmaz saxlayan qapıçıların adının daxil edildiyi Lev Yaşin klubunun üzvü olub.

• Günün oyunları bu kanallarda
• “Aston Villa”nın müdafiəçisi İtaliya yolunda
• "Barselona" yenilənmiş stadionda ilk məşqinə çıxıb - FOTO
• Türkiyə millisinin heyəti açıqlanıb
• Türk futbolunda zəlzələ: Matçlar təxirə salınacaq?