Azərbaycan yığmasının futbolçusu Branimir Subaşiç yaxın günlərdə ata olacaq. “Qəbələ” klubunun 28 yaşlı hücumçusu apasport.az saytına açıqlamasında bildirib ki, həyatında ən xoş hadisələrdən birini qeyd etməyə hazırlaşır: “İlk dəfə ata olacağam. Qızım dünyaya gələcək. Bu, yanvarın ilk günlərində, 4-5-də olmalıdır. Son oyunumuzu keçirəndən, yəni dekabrın 23-dən sonra Serbiyaya qayıdacağam. Yanvarın 19-da “Qəbələ”nin Türkiyənin Antalya şəhərində başlanan təlim-məşq toplanışına qatılacağam”.

1 il öncə ailə həyatı quran Subaşiç yeni doğulacaq övladına azərbaycanlı adı vermək haqda düşünür: “Düzdür, bunu hələ dəqiqləşdirməmişəm. Ancaq adı Samirə ola bilər. Bu addan xoşum gəlir. İstərdim ki, qızımın adı Samirə olsun. Buna onun dünyaya gəlişindən sonra qərar verəcəyik”.

Mehman SÜLEYMANOV

• Azarkeşlər Neymarı fitə basıb
• Türkiyədə televiziya binasına silahlı basqın olub
• Qvardiola karyerasının 1000-ci oyununa çıxıb
• Bundesliqa klubu baş məşqçisi ilə yollarını ayırıb
• Azərbaycanla oyundan öncə Fransa millisində itki