Musa Süleymanov: Kömək elə futbolçu alaq, sən də tovuzlu deyilsənmi? - MÜSAHİBƏ
16.12.2010 - 17:50
“Turan” klubunun prezidenti Musa Süleymanov “Yeni Müsavat” qəzetinə müsahibə verib. Əyalət klubunun sahibi maraqlı açıqlamaları ilə yanaşı, bir-birini tamamlamayan fikirləri ilə də diqqəti cəlb edib.
- Musa bəy, komandanız son illər ancaq yüksək liqada qalmaq uğurunda mübarizə aparır. Bu proses nə vaxta qədər davam edəcək?
- Bizim 3 illik layihəmiz var. Yəni konkret olaraq 2013-cü ildə “Turan” çempionluğa oynayacaq.
- Belə çıxır ki, hazırkı gənc oyunçuları yetişdirib 3 ildən sonra iddialı klub yaratmaq fikriniz var...
- Bəli.
- Komandanızın maliyyə imkanı olacaqmı ki, 2013-cü ilə qədər güclü klubların maraq dairəsinə düşən istedadlı futbolçuları heyətdə saxlasın?
- Bütün gənc oyunçularımızın klubla 23 yaşına qədər müqaviləsi var. Onları heyətdə saxlamaq üçün lazımi qədər əməkhaqqı veririk.
- “Turan” hakimliklə bağlı tez-tez problem yaşayır. Klubunuza qarşı konkret hansı hakimlərin qərəzli olduğunu deyə bilərsinizmi?
- Tam bizə qarşı qərəzin olduğunu deməzdim, amma ədalətsizliklə üzləşirik.
- Belə söz-söhbət var ki, hakimlərə “Neftçi”ni çempion etməklə bağlı tapşırıq verilib.
- İnanmıram ki, “Neftçi”nin hakimlərin köməyinə ehtiyacı olsun.
- Komandanızın, eləcə millinin üzvu Vurğun Hüseynovun “Qəbələ”yə keçidi ilə bağlı xəbərlər dolaşır. Deyilənə görə, “Turan” gənc oyunçuya 200 min manat qiymət qoyub...
- Vurğunu kim daha çox pul versə, ona satacağıq. Bu, 100 min də ola bilər, 1 milyon da. Onu istənilən kluba sata bilərik.
- “Turan” necə maliyyələşir? Deyilənə görə, komandanı saxlamaq üçün imkanlı tovuzlular kömək edir...
- İmkanı tovuzluların hamısı qaçıb, təkcə qalmışam. “Turan”ı ancaq mən maliyyələşdirirəm.
- Sizin üçün komandanı təkbaşına saxlamaq çətin olmayacaq ki?
- Əlbəttə, çətinliyimizin olacağını bilirik. Amma klubdan xeyir götürəcəyimizi də hesabdan silmək olmaz. İstedadlı oyunçuları başqa kluba sataraq maliyyə dəstəyi qazanacağımızı zənn edirəm.
- Bayaq dediniz ki, oyunçuları yetişdirib 2013-cü ildə çempionluğa oynayacaqsınız. İndi isə deyirsiniz ki, futbolçuları satıb klubu saxlamaq niyyəti güdürsünüz...
- Bizim klubda 500-dən çox oyunçu məşq edir...
- Amma etiraf edin ki, deyək Elvin Məmmədov, Aqil Nəbiyev səviyyədə oyunçuları iddialı klublara satdıqdan sonra komanda çempionluğa oynaya bilməz.
- Siz bizim oyunçuların istedadına, qabiliyyətinə yaxşı bələd deyilsiniz. “Qəbələ” ilə son oyunumuza baxmısınız?
- Baxmışam. Komandanızın oyunu xoş təsir bağışladı. Amma bir oyunda az top buraxmaqla, bir oyunda rəqibə müqavimət göstərməklə necə iddialı olmaq olar?
- Onda kömək elə, oyunçu alaq. Sən də tovuzlu deyilsənmi?
- Mən iş adamı deyiləm. Sizə ancaq mətbuatda, ölkənin ən tirajlı qəzetində yer verməklə dəstək verə bilərik...
- Bilirsinizmi, mən məcburiyyətdən komandaya kömək edirəm. Kömək etmək istəyən varsa, gedək Pelenin oğlunu alaq, Məsut Özili transfer edək. Bir sözlə, bütün tovuzlulardan kluba kömək etməsini gözləyirəm.
- “Turan” qış fasiləsini necə keçirəcək, komandada gedib-gələnlər olacaqmı?
- Antalyada təqribən 15 günlük təlim-məşq toplantısında olacağıq. Heyətdə dəyişikliklər olacağı mümkündür. “Turan”dan gedənlər də ola bilər, heyətə yeni oyunçuların cəlb olunacağı da istisna olunmur. Həm əcnəbi, həm də yerli oyunçularla güclənməyimiz mümkündür.
- Musa bəy, komandanız son illər ancaq yüksək liqada qalmaq uğurunda mübarizə aparır. Bu proses nə vaxta qədər davam edəcək?
- Bizim 3 illik layihəmiz var. Yəni konkret olaraq 2013-cü ildə “Turan” çempionluğa oynayacaq.
- Belə çıxır ki, hazırkı gənc oyunçuları yetişdirib 3 ildən sonra iddialı klub yaratmaq fikriniz var...
- Bəli.
- Komandanızın maliyyə imkanı olacaqmı ki, 2013-cü ilə qədər güclü klubların maraq dairəsinə düşən istedadlı futbolçuları heyətdə saxlasın?
- Bütün gənc oyunçularımızın klubla 23 yaşına qədər müqaviləsi var. Onları heyətdə saxlamaq üçün lazımi qədər əməkhaqqı veririk.
- “Turan” hakimliklə bağlı tez-tez problem yaşayır. Klubunuza qarşı konkret hansı hakimlərin qərəzli olduğunu deyə bilərsinizmi?
- Tam bizə qarşı qərəzin olduğunu deməzdim, amma ədalətsizliklə üzləşirik.
- Belə söz-söhbət var ki, hakimlərə “Neftçi”ni çempion etməklə bağlı tapşırıq verilib.
- İnanmıram ki, “Neftçi”nin hakimlərin köməyinə ehtiyacı olsun.
- Komandanızın, eləcə millinin üzvu Vurğun Hüseynovun “Qəbələ”yə keçidi ilə bağlı xəbərlər dolaşır. Deyilənə görə, “Turan” gənc oyunçuya 200 min manat qiymət qoyub...
- Vurğunu kim daha çox pul versə, ona satacağıq. Bu, 100 min də ola bilər, 1 milyon da. Onu istənilən kluba sata bilərik.
- “Turan” necə maliyyələşir? Deyilənə görə, komandanı saxlamaq üçün imkanlı tovuzlular kömək edir...
- İmkanı tovuzluların hamısı qaçıb, təkcə qalmışam. “Turan”ı ancaq mən maliyyələşdirirəm.
- Sizin üçün komandanı təkbaşına saxlamaq çətin olmayacaq ki?
- Əlbəttə, çətinliyimizin olacağını bilirik. Amma klubdan xeyir götürəcəyimizi də hesabdan silmək olmaz. İstedadlı oyunçuları başqa kluba sataraq maliyyə dəstəyi qazanacağımızı zənn edirəm.
- Bayaq dediniz ki, oyunçuları yetişdirib 2013-cü ildə çempionluğa oynayacaqsınız. İndi isə deyirsiniz ki, futbolçuları satıb klubu saxlamaq niyyəti güdürsünüz...
- Bizim klubda 500-dən çox oyunçu məşq edir...
- Amma etiraf edin ki, deyək Elvin Məmmədov, Aqil Nəbiyev səviyyədə oyunçuları iddialı klublara satdıqdan sonra komanda çempionluğa oynaya bilməz.
- Siz bizim oyunçuların istedadına, qabiliyyətinə yaxşı bələd deyilsiniz. “Qəbələ” ilə son oyunumuza baxmısınız?
- Baxmışam. Komandanızın oyunu xoş təsir bağışladı. Amma bir oyunda az top buraxmaqla, bir oyunda rəqibə müqavimət göstərməklə necə iddialı olmaq olar?
- Onda kömək elə, oyunçu alaq. Sən də tovuzlu deyilsənmi?
- Mən iş adamı deyiləm. Sizə ancaq mətbuatda, ölkənin ən tirajlı qəzetində yer verməklə dəstək verə bilərik...
- Bilirsinizmi, mən məcburiyyətdən komandaya kömək edirəm. Kömək etmək istəyən varsa, gedək Pelenin oğlunu alaq, Məsut Özili transfer edək. Bir sözlə, bütün tovuzlulardan kluba kömək etməsini gözləyirəm.
- “Turan” qış fasiləsini necə keçirəcək, komandada gedib-gələnlər olacaqmı?
- Antalyada təqribən 15 günlük təlim-məşq toplantısında olacağıq. Heyətdə dəyişikliklər olacağı mümkündür. “Turan”dan gedənlər də ola bilər, heyətə yeni oyunçuların cəlb olunacağı da istisna olunmur. Həm əcnəbi, həm də yerli oyunçularla güclənməyimiz mümkündür.
Oxşar xəbərlər
Ana səhifə
Bütün xəbərlər