Azərbaycan çempionatının XIX turunun 4 oyunu canlı yayımlanacaq. Apasport.az saytının məlumatına görə, “İdman-Azərbaycan” və “Lider” kanallarının hər biri 2 qarşılaşmanı tamaşaçılara təqdim edəcək.

Sonuncular saat 13:00-da başlayan “Qəbələ” – “Bakı” və 2 saat sonra start fiti veriləcək “Neftçi” – “Turan” görüşlərini yayımlayacaq. Futbol yayımını “Lider”lə eyni vaxtda başlayacaq “İdman-Azərbaycan” kanalı isə əvvəl “Muğan” – AZAL, saat 17:00-da isə “Xəzər Lənkəran” – “Qarabağ” matçını göstərəcək.

Bu isə o deməkdir ki, ilin son turunun yalnız 2 qarşılaşması heç 1 kanala lazım olmayıb. Bu, “İnter” və “Gəncə” arasında Bakıda keçiriləcək oyun və autsayderlərin Zaqataladakı duelidir. Həmin matçda “Simurq”la MOİK üz-üzə gələcək.

• Səudiyyə Ərəbistanından Salah üçün 114 milyon avroluq təklif
• PSJ-dən tarixi nəticə: bir ildə 49-cu qələbə
• Muslera ulduzlaşdı: Komandası Argentina çempionu oldu
• Messi üçün şok: Argentina DÇ-dan uzaqlaşdırıla bilər
• “Lion” maliyyə böhranından çıxa bilmir: Borcu 200 milyon avronu keçdi