“Qalatasaray” klubunun müdafiəçisi Sərvət Çətin Türkiyənin ən centlmen futbolçusudur. Apasport.az saytının məlumatına görə, əslən azərbaycanlı olan 29 yaşlı Sərvət daxili yarışlarda son 47 oyunda vərəqə almamağı ilə rekordçu oldu. Çətinin oynadığı müdafiənin mərkəzi vərəqə almaq baxımından ən riskli mövqe olsa da, soydaşımız 2 ildir hakimlərlə heç bir problem yaşamır.

Çətin Superliqanın ötən mövsümündə 24, cari mövsümündə 14 oyununda vərəqə almayıb. Müdafiəçi sonuncu dəfə 2008-ci ilin noyabrın 11-də “Fənərbaxça” ilə derbi oyunun 38-ci dəqiqəsində sarı vərəqə alıb. Maraqlıdır ki, “Qalatasaray” Superliqanın cari mövsümündə 2 ol vuran, hakimlərin cəzasına məruz qalmayan aparıcı futbolçusu ilə yollarını ayırmaq fikrindədir.

Sərvət Çətinin aldığı vərəqələr

2001/02 mövsümü – “Göztəpə” (5 sarı)
2002/03 – “Dənizlispor (7 sarı)
2003/04 – “Fənərbaxça” (1 qırmızı)
2004/05 - “Fənərbaxça” (2 sarı)
2005/06 – “Fənərbaxça” (2 sarı)
2006/07 - “Sivasspor” (3 sarı, 1 qırmızı)
2007/08 – “Galatasaray” (2 sarı)
2008/09 – “Galatasaray” (2 sarı)
2009/10 – “Galatasaray” (vərəqə almayıb)
2010/11 – “Galatasaray” (vərəqə almayıb)

• Ange Postekoqlu Premyer Liqaya qayıda bilər
• “Vulverhempton”dan antirekord
• Martinezin yerinə Ter Ştegen: Danışıqlar başlayıb
• "Fənərbaxça"da ciddi itki: Talişka zədələnib
• "Real Madrid" Səudiyyə Ərəbistanından futbolçu transfer edə bilər