Türkiyənin “Fənərbaxça” klubu “Neftçi”nin və Azərbaycan milli komandasının futbolçusu Amit Quluzadəni heyətində görmək istəyir. Apasport.az saytının məlumatına görə, qardaş ölkənin titullu klubu 18 yaşlı yarımmüdafiəçiyə rəsmi dəvət göndərib. Bu, “Fənərbaxça”nın baş meneceri Sərkan Acardan “Neftçi”nin prezidenti Sadıq Sadıqovun adına daxil olduğu məktubda göstərilib. İstanbullular Quluzadəni yanvarda keçirəcəkləri təlim-məşq toplanışına dəvət edib.

Qeyd edək ki, milli komandamızda baş məşqçi Berti Foqtsun dövründə debüt edən Amitə Rusiyanın ikiqat çempionu “Rubin” klubu tərəfindən də maraq var idi.

Mənbə: neftchifc.com

• Ange Postekoqlu Premyer Liqaya qayıda bilər
• “Vulverhempton”dan antirekord
• Martinezin yerinə Ter Ştegen: Danışıqlar başlayıb
• "Fənərbaxça"da ciddi itki: Talişka zədələnib
• "Real Madrid" Səudiyyə Ərəbistanından futbolçu transfer edə bilər