Rumıniya mətbuatı daha bir futbolçunu “Xəzər Lənkəran” klubuna “sırıyır”. Apasport.az saytının məlumatına görə, həmkarlarımız indi də Georgi Qalamazın Azərbaycan komandasına keçəcəyini iddia edirlər. “Styaua”da oyunu alınmayan 29 yaşlı mərkəz müdafiəçisi özünə yeni klub tapmaqda maraqlıdır.

“Xəzər Lənkəran” üçün isə Qalamaz transferə çıxarılan Adrian Yordaşeni layiqincə əvəz edə biləcək simadır. Ötən il debüt etdiyi Rumıniya yığmasında 3 oyun keçirən Qalamaz “Styaua”ya qədər “Rapid”, “Dinamo” və “Unirea”nın şərəfini qoruyub. 2007-ci ildə “Dinamo”, 2009-da isə “Unirea” ilə ölkə çempionu olub. Qalamaz ilk çempionluğunu Mirça Rednikin rəhbərliyi altında yaşayıb.

• Bundesliqadan La Liqaya
• Vlahoviç İtaliyada klubunu dəyişə bilər
• “Barselona”da yeni müqavilə
• Braziliyalı futbolçu “Tottenhem” və “Real”ın hədəfində
• Rabyo: “Hazırkı heyətlə çempion olmaq asan deyil”