Belarus yığması Azərbaycanla oyuna finala vəsiqə üçün çıxacaq

04.01.2011 - 15:52

Belarusun 19 yaşlılardan ibarət yığma komandası (U-19) Rusiyadakı beynəlxalq turnirdə azərbaycanlı həmyaşıdları ilə sabahkı oyuna ciddi yanaşır. Apasport.az saytının məlumatına görə, Sankt-Peterburq şəhərində Valentin Qranatkinin xatirəsinə həsr olunan XXIII turnirdə Azərbaycanın U-19-su ilə bir qrupa düşən belaruslular ilk oyunda Çin üzərində 2:1 hesablı qələbə qazanıb.

Sabah Bakı vaxtilə saat 17:00-da başlayacaq görüş rəqib üçün böyük əhəmiyyət daşıyır. Belə ki, Belarus U-19-u qalib gələrsə, qrupda 1-ci yeri tutub, finala vəsiqə qazanacaq. Düzdür, bunun üçün Ukraynanın Çinlə görüşdə qalib gəlməməyi də lazımdır.

Belarusun U-19-sunun baş məşqçisi Aleksey Vergeenko yığmamızla oyunda qələbəyə köklənib: “Bu, yalnız ilk oyun idi. Əlbəttə, həyəcan öz sözünü göstərirdi. Şadam ki, bunun öhdəsindən tezliklə gələ bildik. Yetirmələrimin hamısından razı qalmadım. Məsələn, müdafiəmiz əla oynadı, hücumda isə hələ işləməliyik. İndi bizim məqsədimiz minimum finala çıxmaqdır”.