“İsveçə gələndən sonra Azərbaycana qayıtmaq haqda düşünməmişəm. Heç qayıtmağın marağında da olmamışam”. Apasport.az saytının xəbərinə görə, bu sözləri İsveçin “Malmö” klubunun futbolçusu Jiloan Hamad deyib.

Azərbaycan əsilli futbolçu İsveç mətbuatına müsahibəsində milli komandamızdan təklif aldığını təsdiqləyib. O bildirib ki, AFFA rəhbərliyi və yığmanın baş məşqçisi Berti Foqtsla əlaqədə olub: “Mənə Azərbaycan millisində oynamaq üçün təklif gəlib. Amma mən özümü isveçli hesab edirəm və bu ölkənin yığmasında oynamaq istəyirəm”.

Berti Foqtsla aralarında olan söhbətə də toxunan Hamad vurğulayıb ki, Azərbaycan yığmasında oynamaq ağılsızlıq olardı: “O, məni Azərbaycan yığmasına dəvət etdi. Mən isə cabav verdim ki, artıq İsveçin U-21 komandasında oynamışam və bundan sonra risk edib Azərbaycan millisində oynamaq ağılsızlıq olardı. Foqts məni anlayışla qarşıladı”.

• "Neftçi"nin futbolçusu oynadı, yığması qələbə qazandı
• Mert Hakan: "Düşmənlərimin sözlərini yox, dostlarımın səssizliyini xatırlayacam"
• “Beşiktaş”ın borcu açıqlanıb
• “Mançester Siti” səfərdə “Nottingem Forest”i məğlub etdi
• İlin ən çox qazanan futbolçuları - TOP-10