AFFA yeni milli komandanı yaradıb. Daha doğrusu, 17 yaşadək qızlardan ibarət yığma 3 illik fasilədən sonra yenidən bərpa olunub.

Apasport.az saytının məlumatına görə, 2012-ci ildə Azərbaycanda keçiriləcək dünya çempionatında çıxış edəcək komandamız artıq yanvarın 9-da ilk yoxlama matçına çıxacaq.

Xatırladaq ki, AFFA ötən ilin yazında yaşanan məşhur “lipa” məsələsindən sonra bütün qadın yığmalarının fəaliyyətini dondurub, yeni U-15 yaratmışdı. Məhz həmin komanda onradan U-17-yə çevrilərək mundiala qatılmalıdır.

Qızların U-17 komandası isə sonuncu dəfə 2008/09 mövsümünün qitə çempionatına qatılıb. Həmin vaxt millimiz İtaliyaya 1:3, Fransaya 0:6 uduzub İslandiya ilə 0:0 hesablı heç-heçə etmişdi.

• "Barselona”nın sabiq futbolçusu karyerasını bitirib
• "Fənərbaxça"da fövqəladə ümumi yığıncaq keçiriləcək
• “Real” ingiltərəli müdafiəçi ilə maraqlanır
• Afrika Millətlər Kuboku: Yığmanın 3 qapıçısı meydana çıxdı, məğlub oldular
• "Arsenal"da ciddi itki