“Birinci hissədə futbolçularım gözəl oyun sərgilədilər. Erkən qol vurulması oyunun gedişatına müsbət təsir etdi”. Apasport.az saytının məlumatına görə, bu sözlər Bakının “İnter” klubunun baş məşqçisi Kaxaber Sxadadzeyə məxsusdur.

Türkiyənin Antalya şəhərində təlim-məşq toplanışında olan “bankirlər” ikinci yoxlama görüşündə qələbə qazanıblar. Qazaxıstanın “Taraz” klubu ilə qarşılaşan “İnter” rəqibinə 2:1 hesabı ilə qalib gəlib. Gürcüstanlı mütəxəssis bu matçdan razı qalıb: “Qarşılaşmanın sonuna yaxın futbolçularım konsentrasiya məsələsində ehtiyatsız davrandı və bu cavab qolu ilə nəticələndi. Lakin komanda yorğunluğun fonunda üstünlüyü ələ alaraq rəqibin qapısına ikinci dəfə yol tapmağı bacardı. Ümumilikdə oyundan razı qaldım və komandanın hərtərəfli güclənməsinə yardımçı olacaq hazırlıqların bundan sonra da davam edəcəyik”.

Xatırladaq ki, ilk yoldaşlıq görüşündə “İnter” Türkiyənin “Manisaspor” klubu ilə heç-heçə etmişdi.

• “Çelsi”nin müdafiəçisi “Roma”nın hədəfində
• Qabon millisinə sərt cəza: yığmanın fəaliyyəti dayandırıldı
• Argentina millisinin üzvü “Yuventus”un radarında
• “Real” Diazı komandada saxlayacaq
• Xames Rodrigez MLS-də çıxış edə bilər