“Ramal Hüseynov hazırda komandanın məşqlərində iştirak edir. Onun hansısa kluba keçidi gündəmdə deyil”. Bunu apasport.az saytına açıqlamasında “Gəncə” klubunun prezidenti Elmir Əliyev deyib.

Veteran yarımmüdafiəçinin yenidən Türkiyə klublarının diqqət mərkəzində olduğu iddia edilir. Hətta onun qardaş ölkəyə baxışa yollanacağı da deyilirdi. Futbolçunun getməsində heç “Gəncə” də maraqlı deyil. Onsuz da ilk “altılıq”dan əlini üzən əyalət təmsilçisi diqqətini Premyer Liqadakı yerini möhkəmlətməyə yönəldib. Bu üzdən də yerli futbolçuları kənara buraxmaq haqda düşünmür: “Onun klubla may ayına qədər müqaviləsi var. Ramalın hansısa komandaya keçmək istəməsi ilə bağlı bizə müraciət etməyib. Əgər müraciət etsə, həmin an nəsə demək olar. Lakin biz Ramalın komandada qalmasını istəyirik”.

• “Fənər”in heyətində ciddi itki - 6 həftə oynamayacaq
• "Beşiktaş"ın hücumçusu Premyer Liqa klubunun radarında
• "Mançester Yunayted" "Trabzonspor"un forvardı ilə maraqlanır
• Dursun Özbek: "Bu cür problemlər bir daha yaşanmayacaq"
• "Real Madrid" illik 100 milyon avro dəyərində yeni müqavilə imzalaya bilər