Antalyada təlim-məşq toplantısını davam etdirən “Bakı” klubunun daha 1 rəqibi müəyyənləşib. Apasport.az saytının məlumatına görə, “zolaqlılar” ilk görüşünü Qazaxıstanın “Akjayik” komandasına qarşı keçirməyi qərara alıblar.

Uralsk təmsilçisi ilə matç yanvarın 21-də baş tutacaq. Aleksandr Starkovun rəhbərliyi altında debüt qarşılaşması komandanın məskunlaşdığı “Su Səsi” otelinin bazasında Bakı vaxtı ilə saat 14:00-da başlayacaq.

Qeyd edək ki, “Bakı” Antalyaya yollanmazdan öncə ilk yoldaşlıq görüşünü Qazaxıstanın digər klubu – “Şaxtyor”a (Karaqanda) qarşı keçirməyi planlaşdırırdı. Həmin oyun isə təqvimə uyğun olaraq, “Akjayik”lə qarşılaşmadan 1 gün sonra baş tutacaq.

Mənbə: www.fcbaku.com

• "Santos" baş məşqçisi ilə yollarını ayırıb - RƏSMİ
• Avrokubok matçları bu kanallarda - TV AFİŞA
• Messi 900-ə çatdı
• "Liverpul" "Qalatasaray"ı belə məğlub etdi - VİDEO
• Salahdan daha bir rekord - İLK AFRİKALI OYUNÇU OLDU