Azərbaycanın tanınmış jurnalisti, futbol şərhçisi, əməkdar jurnalist Valid Sənani yanvarın 23-də 76 yaşında vəfat edib. Apasport.az saytının məlumatına görə, Sənani uzun müddətdir ki, xəstəlikdən əziyyət çəkirmiş. O, bu gün dəfn olunub.

Valid Sənani 12 may 1935-ci ildə Bakıda anadan olub. Atası Möhsün Sənani məşhur aktyor olub. Həyat yoldaşı Ofeliya Sənani də tanınmış aktyor və televiziya diktorudur.

1952-ci ildə Bakıdakı 7 saylı orta məktəbi, 1957-ci ildə BDU-nun geoloji-coğrafiya fakültəsini bitirib. 1955-ci ildə Azərbaycan radiosunda diktor işləməyə başlayıb. 1958-ci ildən 1967-ci ilədək radionun «Xəbərlər» baş redaksiyasında redaktor, böyük redaktor, baş redaktorun müavini, 1967-1991-ci illərdə baş redaktor, proqram baş redaksiyasının direktoru işləyib. 1991-ci ilin martında Azərbaycan Jurnalistlər Birliyi sədrinin müavini seçilib.

Azərbaycan televiziyasının ilk futbol şərhçisidir.

Beynəlxalq Jurnalistlər İttifaqları Konfederasiyası Şurasının üzvüdür.
1989-cu ildə «Əməkdar jurnalist» fəxri adına layiq görülüb.

1 oğlu, 1 qızı, 3 nəvəsi, 1 nəticəsi var.

Allah rəhmət eləsin!

• "Beşiktaş"ın futbolçusu Kolumbiya klubunda
• "Fənərbaxça"ya növbəti təklif: Əvvəl Premyer Liqa klubu, indi isə İtaliya nəhəngi
• "Bavariya"da ciddi itki
• "Roma" heyətini 18 yaşlı futbolçu ilə gücləndirib
• "Neftçi"nin sabiq baş məşqçisinin yeni iş yeri bəlli olub