Bu gün “Bakı” klubu Türkiyənin Antalya şəhərindəki təlim-məşq toplanışında 3-cü yoxlama oyununu keçirdi. Apasport.az saytının məlumatına görə, Ukraynanın Premyer Liqa təmsilçisi olan Zaporojye “Metallurq”u ilə oyunun başlama vaxtı saat 17:00-a təyin olunsa da, 4 futbolçumuzun bu gün milli komanda düşərgəsinə yola düşəcəyindən, görüş 3 saat əvvəl oynanıldı. Qarşılıqlı hücumlar və maraqlı mübarizə şəraitində keçən oyunda qapılara qol vurulmayıb – 0:0

Bununla da “Bakı” latviyalı yeni baş məşqçisi Aleksandr Starkovun rəhbərliyi altında Antalyada keçirdiyi yoxlama oyunlarında məğlubiyyətsizlik seriyasını davam etdirdi. Komanda daha əvvəl Qazaxıstanın təmsilçiləri - "Akjayık" (3:0) və "Şaxtyor"la (1:1) görüşüb. “Bakı” növbəti yoxlama oyununu yanvarın 31-də Rumıniyanın "Panduri" klubu ilə keçirəcək.

Qeyd edək ki, Zaporojye “Metallurq” bu gün saat 19:00-da Antalyada digər klubumuz – “Xəəzr Lənkəran”la oyuna çıxacaq.

• "Qalatasaray"dan xal itkisi
• "Mayorka" üç qırmızı vərəqə ilə "Atletik"i məğlub edib
• Arda Gülər matçın oyunçusu seçilib
• Bundesliqa: "Borussiya Dortmund"dan qələbə, "Bayer" məğlub oldu
• Fransa klubu Cekonu transfer etmək istəyir