“Neftçi” - “Xəzər Lənkəran” matçının başlanma vaxtı dəqiqləşdi
02.02.2011 - 13:41
“Neftçi” - “Xəzər Lənkəran” matçının başlanma vaxtı dəqiqləşdi
Premyer Liqanın XX turunda keçiriləcək “Neftçi” – “Xəzər Lənkəran” oyununun başlama saatı məlum olub. Apasport.az saytının məlumatına görə, turun mərkəzi görüşü saat 18:00-da başlayacaq.

Prinsipial rəqiblərin fevralın 13-də baş tutacaq qarşılaşması canlı yayımlanacaq. Belə ki, “Neftçi”nin bütün ev oyunlarını tamaşaçılara nümayiş etdirən “Lider” televiziyası yenə ənənəsinə sadiq qalacaq.

Qeyd edək ki, qarşılaşma Tofiq Bəhramov adına Respublika stadionunda keçiriləcək.