“Komandamız Antalyadakı təlim-məşq toplanışı çərçivəsində keçirilən yoxlama matçlarında yaxşı oyun göstərir. İnşallah, Premyer Liqada bunun davamını gətirmək istəyirik". Apasport.az saytının məlumatına görə, bu sözləri “Neftçi”nin futbolçusu Elmar Baxşiyev deyib.

Klubun rəsmi saytına açıqlamasında yarımmüdafiəçi bildirib ki, bütün diqqətlərini Premyer Liqaya yönəldiblər: “Sevindirici haldır ki, “Neftçi”nin sabit oyunu var. Meydana hansı futbolçuların çıxmasından asılı olmayaraq, oyun üslubumuz dəyişmir. Burada keçirdiyimiz 3 yoxlama matçının hər üçünü qələbə ilə başa vurmuşuq. Təlim-məşq toplanışlarında ciddi hazırlaşırıq. Amma təbii ki, bütün diqqətimiz Premyer Liqaya yönəlib. Fevralın 13-də bizi vacib oyun gözləyir. "Xəzər Lənkəran"la derbi matçına çıxacağıq. Bütün azarkeşlərimizi "Xəzər Lənkəran"la oyuna səsləyirəm. Fanat ordumuz stadiona gəlib, bizi dəstəkləsin. İnanıram ki, komandamız onları bu görüşdə sevindirəcək".

• “Liverpul”dan Kerkez həmləsi
• Braziliya millisinin üzvü addım-addım “Yunayted”ə
• “Beşiktaş” prezidentinin oğlu ölümdən dönüb
• Əl-Musrati üçün “Monako” macərası bitdi - GERİ QAYIDACAQ
• Sane İngiltərəyə qayıda bilər